БИЗНИС ОД СОНИШТАТА: Фудбалски менаџер со „дебела“ провизија

Добивај вести на Viber

Во еден од најголемите фудбалски трансфери во историјата, тежок преку 100 милиони евра, кога Французинот Пол Погба од Јувентус преминал во редовите на Манчестер Јунајтед, „најсреќниот крај“ го „извлекол“ менаџерот.

Трансферот на Погба бил вистинска сапуница минатото лето која имала хепи енд за сите страни. Но, најдобро во целата приказна поминал менаџерот на Погба Мино Раиола, кој од рекорден трансфер од 105 милиони евра добил 49 милиони провизија.

Таа информација е објавена во книгата „The Football Leaks: Нечистите бизниси во фудбалот“, која минатата недела ја објавија новинарите на весникот Шпигел.

За овој трансфер се заинтересирала и ФИФА, која веднаш побарала документација од Манчестер.

Според наводите од спомнатата книга, делот од колачот на Раиолин изнесувал 27 милиони евра, а преостанатиот износ ќе го наплати од 22 милиони евра во рати од Манчестер, благодарение на одредбите кои ги уфрлил во договорот на Погба.

„Не ги коментираме поединечните договори. ФИФА ги поседува сите документи од моментот кога трансферот е заклучен“, изјавил по овој повод портпаролот на Манчестер.

Раиола е еден од најуспешните фудбалски менаџери а покрај Погба, го застапува Ибраимовиќ, Лакакуа, Балотели ...

Мино говори дури седум јазици што и му помогнало да изгради кариера на суперагент. На трансферите „свртел“ околу 500 милиони евра, а на своите „фигури“ секогаш им договарал сјајни договори, а себе си одлични провизии.