Биткоинот ќе има „лудо возење“ со цените
Објавено во: Економија 29 Мај, 2017
Биткоинот се покажува како една од најмоќните валути на сите времиња со неколкукратен раст и стигна рекордно ниво од фантастични 2750 долари. Сепак, експертите предупредуваат дека ова темпо на постојан раст е неодржливо и инвеститорите треба многу да бидат внимателни кога ќе се случи неминовниот пад на вредноста.
Никола Дјук, од Forex Analytix кој анализира историски обрасци за да се утврди потенцијалната флуктуација на цените, смета дека вредноста на биткоинот од 2800 долари ќе биде граница до која биткоинот ќе може максимално да расте и дека тогаш ќе започне нагло да паѓа. Биткоинот, тогаш, можеби ќе падне на 1.470 долари, вели Дјукс.
Криптовалутата во еден момент дојде до 2.752,07 долари. Тоа е раст од 175 проценти. Сепак, аналитичарот признава дека по првиот пад, биткоинот веројатно ќе расте повторно. Тој е оптимист за следната година - вели дека не е невозможно биткоионот во 2018 година да достигне и 4.000 долари.