Без провизии за трансакции на електронско и мобилно банкарство за физички лица на Охридска Банка до 15 април 2020
Објавено во: Мои пари 18 Март, 2020
Охридска банка АД Скопје ја укинува провизијата на сите денарски трансакции од физички лица реализирани до 15 април 2020 година преку каналите за електронско и мобилно банкарство.
Охридска банка АД Скопје ја укинува провизијата на сите денарски трансакции од физички лица реализирани до 15 април 2020 година преку каналите за електронско и мобилно банкарство.
Во насока на интензивирање на превенцијата и заштита на клиентите и вработените од вирусот Ковид-19, како и следење на препораките на Народната банка, Охридска банка АД Скопје ги охрабрува клиентите да ги користат електронските канали за управувањето со личните финансии и да ги одложат посетите на експозитурите.
Апликацијата за мобилно банкарство – Моја банка и електронското банкарство на Охридска банка Ви овозможуваат плаќање преку ПП30 налози, ПП50 налози и интерни налози, увид во состојбата на сметките и картичките, увид во депозитите и кредитните производи, уплати на рати за кредит, локатор на банкомати и многу повеќе.
Апликацијата за мобилно банкарство – Моја банка, може да се преземе на Google Play и Apple Store.
За сите дополнителни консутации, Банката е достапна преку Контакт центарот на телефонскиот број 02 15 050.
Охридска банка ги советува своите клиенти да ги почитуваат препораките за превенција на Министерството за здравство, како и да ги користат дигиталните канали на Банката.