Берлускони осуден на три години затвор за корупција
Објавено во: Свет 08 Јули, 2015
Поранешниот премиер на Италија, Силвио Берлускони беше осуден на три години затвор за корупција. Пресудата беше изречена од судот во Неапол, соопштија светските агенции.
Обвинителството во јужниот град побарало поранешниот премиер да добие пет години затвор, но судот прифатил пократок рок.
Според истрагата во 2007 година Берлускони давал мито на сенатори, со цел соборување на владата во Рим, предводена во тоа време од Романо Проди.
Пред неколку дена се појавија гласини дека поранешниот премиер може да биде суден повторно и во врска со случајот „Рубигеит“. Во него Берлускони беше осуден за секс со малолетна проститутка и за злоупотреба на службената положба, но во март Касациониот суд конечно потврди дека тој е невин.
Обвинителството на Милано сепак започна истрага дали Берлускони платил милиони евра на 21 млади дами, вклучувајќи ја и мароканката Карим ел Махруг позната и како Руби, поради која токму тој беше осуден.