Берлин остро реагираше на изјавата на Ердоган за бегалците
Објавено во: Свет 25 Ноември, 2016
Германија реагираше дека „заканите не помагаат" на договорот за меѓу Европската унија и Турција.
Реакцијата на Берлин доаѓа откако турскиот претседател, Реџеп Таип Ердоган се закани дека ќе ги отвори турските граници за мигрантите, кои сака да го продолжи патот кон Европа.
Портпаролот на германската канцеларка, Улрике Демер изјави дека договорот со Анкара е „во интерес на сите страни" и „заканите од која и да е земја, не се од помош". Додава дека во моментов постојат тешкотии, кои треба да бидат решени.
На 18 март Анкара и Брисел потпишаа договор, во рамките на кој Турција ќе помогне за запирање на протокот на илегални мигранти кон Европа, а во замена ќе добие визна либерализација и забрзување на процесот за членство во Унијата.
Вчера Европскиот парламент ја поддржа резолуцијата, која предвидува замрзнување на преговорите за членство со Турција поради чистка во земјата, по обидот за државен удар против власта на 15 јули.