Бектеши побогат од Заев!?
Објавено во: Економија 15 Ноември, 2018
Крешник Бектеши, актуелниот министер за економија, поседува поголемо богатство од премиерот Зоран Заев, откри Жаклина Хаџи Зафирова од платформата ПЕП (politically exposed person).
Најбогат министер е Кочо Анѓушев, а во првите 6 најбогати министри покрај него се и Крешник Бектеши, Хазби Лика, Никола Димитров, Зоран Заев и Асаф Адеми.
- Вкупното богатство на најимотните шестмина изнесува 35 милиони евра. Ние се потпираме на официјални документи и изјави од државните институции, иако во моментов Комисијата за антикорупција не може да ни обезбеди информации од јавен карактер, затоа што се избрани нови членови. Сите знаеме дека вицепремиерот Анѓушев е најбогат, додека на второто место е Крешник Бектеши - изјави Хаџи Зафирова за 1ТВ.
Проектот финансиран од Американската амбасада на новинарите и на граѓаите ќе им обезбеди веродостојни информации за функционерите. Веб платформата ќе биде база на податоци за тоа што тие поседуваат, како и нивното поблиско семејство, дали се инволвирани во некакви бизниси, сопственички удели, дали се накаде акционери, односно сите податоци кои се пријавени во Државната комисија за спречување корупција.