Арктичкиот студ ги чини САД 5 милијарди долари

Добивај вести на Viber

Арктички студ, кој зафати голем дел од територијата на САД , нанел, до моментот, на земјата штета во износ од минимум 5 милијарди долари . Пет милијарди сепак не се којзнае што, наведуваат од Planalytics - компанија специјализирана за оценувањето на влијанието на климата врз бизнисот. Слична ситуација имаше и во 2010 година , но штетите тогаш беа доста поголеми - во вредност од 25-30 милијарди долари. Поимот " арктички студ " во случајов не е поетска метафора . Централните и источните држави во САД се под влијание на студен фронт токму од Арктикот . Бројот на засегнатите Американци надминува 200 милиони , а досега поради студовите починале најмалку 21 лица. Од Planalytics сепак не сметаат дека арктичките температури ќе доведат до забавување на економскиот раст на земјата. Загубите во сферите на трговијата , транспортот, добрата и услугите ќе бидат компензирани , откако времето ќе омекне и бизнисот ќе проработи повторно со полна брзина, убедени се експертите . "Основа за паника нема , топлото време е на пат"! , прогнозираат и синоптичарите . По проценка на Националната метеоролошка служба , во наредните денови на целата територијата на земјата ќе започне суштинско затоплување.