АНЕСТЕЗИОЛОГОТ ВАЉТОН ДЕРВИШИ МОЖЕ ДА ОСТАНЕ БЕЗ ЛИЦЕНЦА ДО 7 ГОДИНИ: Судот на честа на Лекарската комора достави обвинение против „тиктокерот„
Објавено во: Македонија 18 Април, 2023
Лекарската комора
на македонија денаска на прес-конференција соопшти дека обвинителот на Судот на
честа на Лекарската комора до овој Суд достави обвинение против доктор Ваљтон
Дервиши, анестезиолог вработен во ЈЗУ КБ Тетово кој снимаше пациенти, со
предлог да му се изрече мерка за времено одземање на лиценцата за работа.
- Согласно процедурите и правилниците, денеска итно се одржа вонреден состанок на Комисијата за етички и правни прашања. По детална расправа и разгледување на случајот, комисијата донесе едногласна одлука за покренување постапка пред Судот на честа на Лекарската комора. Обвинителот на Судот на честа, по разгледување на пријавата, ја прифати и до Судот на честа на Лекарската комора, достави обвинение против доктор Ваљтон Дервиши, анестезиолог вработен во ЈЗУ КБ Тетово, со предлог судот на честа, да му изрече мерка, за времено одземање на лиценцата за работа. Согласно правните регулативи, обвинението му се доставува на докторот, информираше на прес-конференција претседателката на Лекарската комора Калина Гривчева Старделова.
Комората итно ги свикала органите и телата за да се разгледа конкретниот случај со инцидентот во ЈЗУ Клиничка болница Тетово, каде, како што посочи, лекар вработен во оваа здравствена установа ја искористил својата позиција и ги нарушил правата на пациентите и нивното достоинство, а со тоа го нарушил угледот и честа на лекарската професија.
Комората, како што рече Старделова, уште еднаш изразува најостра осуда за инцидентот и искрено жалење за состојбата во која се доведени пациентите.
- По истек на минималните временски рокови предвидени во постапката, судот на честа ќе заседава за донесување на конечна одлука, рече Гривчева Старделова.
Активно ќе се следат сите вакви инциденти. Судот на честа сега во конкретниов пример, може да изрече привремено одземање лиценца од максимум седум години. Откако има овластувања, од Лекарската комора трајно се одземени две лиценци, а две времено врз основа на судска пресуда.
Можеби ќе ве интересира
„Ќе одговараш, страшно ќе одговараш”: 57 годишен маж од Богданци вербално ѝ се заканувал на Кацарска во сред Центар, доби кривична
Трагедија во Штип: Едно лице почина, а друго се бори за живот по повреди добиени во лифт во угостителски објект
По три часа состанчење ДУИ одлучи: Еве со кој ќе го формираат ставот за прегласувањетo на одредени избирачки места
Каде ќе се прегласува во среда, а кој колку мандати освои: ДИК официјално
Градоначалник доби кривична: Незаконски располагал со буџетски средства за време на избори
ШТО ЛИ ЌЕ СЕ ДИСКУТИРА: Претседателството на ДУИ ќе состанчи попладнево
Се вози без возачка, се „лета“ на црвено, се зборува на мобилен: МВР казнува низ Скопје
Тошковски: Лишен од слобода виш аналитичар во СВР Скопје, фатен со над 10 илјади евра од сторена измама
Управен суд ги одби како неосновани сите седум тужби од „Европски фронт“
