Американската амбасада апелира до нејзините граѓани да избегнуваат масовни собири

Добивај вести на Viber

Aмбасадата на САД во Скопје ги повикa своите граѓани да бидат внимателни за време на претстојните празници во Македонија. 

Амбасадата апелира Американците во земјава да избегнуваат големи собири, фестивали и настани од јавен карактер, посочувајќи дека терористите во регионот во изминатиот период имале обиди за напади на мали, лесни мети како цркви и други места за богослужба, трговски и спортски центри, концертни сали или јавни собири. Од американската амбасада им препорачуваат на своите граѓани да го задржат високото ниво на претпазливост, да бидат во тек со случувањата во земјава и да ги следат локалните вести, а доколку имаат потреба, да го контактираат дипломатското претставништво во Скопје. За опасност од евентуални терористички напад, синоќа алармираше и македонското мвр, кое најави засилени безбедносни мерки за време на празниците. 

Паралелно со предупредувањето за Македонија, Американскиот Стејт Департмент упати идентичен повик и за Американците во Албанија и на Косово, кои беа објавени преку амбасадите во Тирана и Приштина. Најтензична е состојбата на Косово, каде што полицијата значително го подигна нивото на безбедност, особено на црквите и манастирите. 

Во околината на Пеќ е уапсен маж кој на социјалните мрежи повикувал да се извршуваат напади на празникот.