АМБАСАДАТА НА САД ВО МОСКВА: Избегнувајте големи собири во следните 48 часа
Објавено во: Свет 22 Март, 2024
По страотниот терористички напад во Москва, американската амбасада во Русија издаде безбедносно предупредување до граѓаните на САД, барајќи од нив „да избегнуваат големи собири во следните 48 часа“.
Амбасадата соопшти дека „ги следи извештаите дека екстремистите имаат непосредни планови за напад на големи собири во Москва, вклучително и концерти“.
Американците во Москва треба да избегнуваат големи толпи и да ги следат локалните медиуми и да бидат свесни за сè што се случува во нивната непосредна околина.
Портпаролката на руското Министерство за надворешни работи Марија Захарова ја повика меѓународната заедница да го осуди „монструозното злосторство“ по нападот на концертната сала во близина на Москва, јавува Ројтерс.
Ситуацијата во Москва ја коментираше и Џон Кирби, советник за национална безбедност на американскиот претседател Џо Бајден.
„Засега нема индикации дека Украина или Украинци се вмешани во нападот“, вели тој.
Бројот на загинати е голем, но и на повредени. Медиумите излегуваат со различни бројки. Според некои, има 50 жртви.