Али Ахмети денеска ќе сведочи во Хаг како основач на ОВК
Објавено во: Македонија 02 Септември, 2020
Лидерот на ДУИ, Али Ахмети, денеска ќе се јави во Специјалниот суд во Хаг ќе сведочи како еден од основачите на ОВК. Се очекува неговиот престој во меѓународниот трибунал да трае два дена. Вчера и неговиот сопартиец, министерот за надворешни работи Бујар Османи, потврди дека партискиот претседател ќе има улога на сведок.
„Јас секогаш се залагав за неселективна правда и им стојам на располагање на судските органи како сведок на ослободителната војна на албанскиот народ против геноцидот на српскиот режим (Слободан) Милошевиќ“, рече претходно Ахмети.
Пред месец и половина претседателот на Косово, Хашим Тачи, беше повикан во Судот во Хаг, кој три дена даваше изјави за неговата улога во војната на Косово, но засега нема информации дали поканата за Ахмети има врска со случајот.
Специјалното обвинителство објави дека станува збор за обвинение од десет точки, во кое Хашим Тачи, Кадри Весеjiи и други се обвинети за „низа злосторства против човештвото и воени злосторства, вклучувајќи убиства, присилно грабнување, прогонства и тортура“.
Осомничените од обвинението носат кривична одговорност за скоро 100 убиства на лица „чиј идентитет е познат, а меѓу нив има косовски Албанци, Срби, Роми и лица од друга националност, како и политички противници“.