Александар Стуб: Санкциите против Русија ја загрозуваат финската економија
Објавено во: Економија 07 Јули, 2014
Премиерот на Финска, Александар Стуб призна дека стопанството на неговата земја во голема мера зависи од Русија, пренесуваат медиумите.
„Ако руската економија се намали за 3%, нашиот БДП ќе се намали за 0,5%“, изјави Стуб за време на посетата во Шведска.
Според неговите зборови, Финска во моментов е зафатена од најголемата економска криза во последниве 20 години и затоа големи се грижите за можните санкции против Русија и нивното влијание врз земјата, чија благосостојба доста зависи од трговските односи со неа.
Руската Федерација е најголемиот трговски партнер на Финска. Дури 11% од финскиот извоз оди во Русија.
Санкции против Русија можат да бидат воведени на состанокот на Европскиот совет на 16 јули.