Добивај вести на Viber
Албанската електрокорпорација, КЕШ, е принудена да продолжи со увоз со цел да избегне енергетски колапс. За месец април КЕШ ќе планира увоз на 84,840 мегават часови електрична енергија, со што меѓу другото ќе се обиде да го зачува потребното ниво на вода во ХЕЦ-те на каскадата на Дрим.
Албанскиот енергетски систем е зависен од врнежите од дожд, што често создава проблеми во производството. А ако се знае дека зимата речиси и немаше снег, а во последните меколку месеци нема ни дождови како вообичаено, состојбата уште повеќе ќе се влошува.
За да избегне енергетски колапс, КЕШ, од почетокот на годинава увезе струја вредна над десет милиони евра.
Дневната потрошувачка во земјата сега се движи до 12 милиони киловат часови, а домашното производство е околу пет милиони.
Набавката на електрична енергија уште повеќе ќе ја влоши финансиската состојба на КЕШ.