Аларм: Испарија 177 ,6 милиони евра од државните девизни резерви во ноември!
Објавено во: Финансии 09 Декември, 2016
Преполовена е вредноста на ставката валути и депозити која за еден месец е намалена за над 160 милиони евра. Тоа значи дека или се намалила вредноста на странски конвертибилни валути што ги чува централната банка или пак се вадени пари од депозитите. Доколку е така што е платено со нив?
Нивото на државни девизни резерви во ноември годинава изнесува 2,551.4 милијарди евра и во споредба со октомври годинава кога изнесувале 2,729 милијарди евра се пониски за 177,6 милиони евра, покажува официјалната статистика на Народната банка објавена на 7 декември годинава, а податоците се превземени од следниов линк http://www.nbrm.mk/?ItemID=1C32F71009D0F647AACB5135C98F62C6
Паѓаат девизните резерви по сите основи!
Генератор на намалувањето на девизните резерви е преполовувањето на ставката на валути и депозити што ги чува Народната банка на Македонија. Тоа може да значи следново: или паднала вредноста на некоја од конвертибилните валути кои ги поседува државата или пак дека се повлечени пари од депозитините сметки и со нив е плаќано. Речиси е сигурно дека првата варијанта треба да се исклучи затоа што ниту една од светските конвертабилни валути: долар, евро и швајцарски франак за еден месец не доживеал драстичен пад. Дури кај американскиот долар имаше раст на вредноста која е поврзана со расположението на инвеститорите со исходот на претседателските избори во таа земја. Втората можност е многу поизгледна, а тоа е дека нешто стигнало за наплата и е платено од депозитната база.
Ситуацијата е следна: на крај на ноември вредноста на ставката валути и депозити во НБРМ е 150,5 милиони евра. Само еден месец порано вредноста на таа ставка била 312,1 милиони евра. Тоа значи за еден месец 161,6 милиони евра помалку!
Дополнително врз падот на вредноста на влијае и вредноста на монетарното злато кое за еден месец изгубило 9,7 милиони евра од вредноста и на крајот на ноември вреди 248,3 милиони евра. Вредноста на странските хартии од вредност во кои се чуваат македонските девизни резерви на крај на ноември изнесувала 2,147.7 милијарди евра и се пониски од октомври за 6,4 милиони евра.
Вредноста на резервите во ноември пониска од вредноста во јули „набилдана“ со еврообврзницата од 430 милиони евра
Вредноста на девизните резерви во ноември за прв пат падна по четиримесечен континуиран раст на нивната вредност. Прв пат во таа низа вредноста на резервите порасна во јули годинава кога државата се задолжи со новата еврообврзница. Тогаш вредноста на резервите порасна за 429,4 милиони евра до ниво од 2,588.2 милијарди евра. Со континуирани растови во август, септември и октомври резервите ја достигнаа историски највисоката вредност од 2,729 милијарди евра.
р.ф.Можеби ќе ве интересира
Оваа работа може да ви донесе и до 15 000 евра по сезона: Си работите 10 минути покрај море, а покрај тоа капнува и бакшиш!
Оние жолти мали центи кои ви се моткаат низ паричник можеби вредат многу повеќе: На една вредноста и е 2500 евра-еве ја листата
БАНКАРСКА ЕКСКЛУЗИВА: СЛОВЕНЕЧКАТА НЛБ ПЛАНИРА ДА ЈА ПРЕЗЕМЕ АВСТРИСКАТА АДИКО БАНКА - таа е моќна во регионот, еве што би добиле Словенците
„МРТВА ТРКА“ МЕЃУ ЕДНА БАНКА И ЕДЕН ТЕЛЕКОМУНИКАЦИСКИ ГИГАНТ - кој колку „тежи“ на домашната бизнис сцена
ВРЕДАТ НЕВЕРОЈАТНИ 43 МИЛИЈАРДИ ДОЛАРИ И ПРОДАВААТ 35 ВИДОВИ БОНБОНИ: Ја создадоа Нутела, а никој никогаш не ги видел нивните погони
НАД ПЕТ МИЛИОНИ ЕВРА НЕ ЧИНЕЛО ЛЕКУВАЊЕТО ВО СТРАНСТВО – еве каде најчесто се упатуваат пациентите за кои нема лек дома
СКАПИ ВИ СЕ ТАКСИ УСЛУГИТЕ? Еве колку плаќаме кај нас а колку во светот
ДУБАИ Е ПОДОСТАПЕН ОД БИЛО КОГА: Цените на недвижностите се пониски отколку во центрите на многу балкански земји
НАД 900 МИЛИОНИ ЕВРА СВРТЕНИ ВО НЕДВИЖНИНИ - најмногу се купувале станови, но ни куќите не заостануваат
