АКО УШТЕ НЕ ВИ ОДГОВОРИЛЕ ЗА КАРТИЧКИТЕ, БИДЕТЕ ТРПЕЛИВИ - институциите ќе го проверат секој приговор

Добивај вести на Viber

До вчера се издадени вкупно 55 илјади платежни картички, што значи толку граѓани веќе ги користат активно и плаќаат со нив.

Односно, 10,7 милиони евра се веќе исплатени и се наоѓаат на наменските сметки на граѓаните, соопшти во своето видеообраќање министерката за финансии Нина Ангеловска.

Во врска со приговорите до Генералниот секретаријат, Ангеловска соопшти дека од вкупно добиени 50 илјади мејлови, 20 илјади се веќе одговорени, и тие биле повеќе прашања, во врска со подигнувањето на картичките, нивното активирање и слично. 

Останатите 30 илјади се матични броеви кои се распределени до соодветните надлежни институции, Министерството за труд, УЈП, Агенција за вработување и Министерството за образование, кое собираше листи. Сите граѓани кои ги исполнуваат условите, доколку по проверката се востанови дека треба да ја добие картичката, таа ќе му биде доделена. 

„Очекуваме дека до крајот на оваа недела институциите ќе ги направат проверките, и сите граѓани на кои им следува картичка, ќе ја добијат. Никој нема да биде заборавен. јавноста за се навреме ќе биде информирана“, нагласи првата финансиерка. 

Таа им се заблагодари на трпението на граѓаните.

Таа аперлираше граѓаните да не чекаат редици во банките, туку да ги добијат информациите од веб страните на банките. Сите ќе ги добијат своите картички.

Н.Н.Ф.