АКО СЕ ПОДОБРИМЕ: За три децении блиску до стандардот на ЕУ?!

Добивај вести на Viber

На Македонија ќе и требаат најмалку 30 години со годишен раст од 4, 5 проценти за да стаса до нивото на земјите од Европската унија, пресметале стручњаците на Светска Банка. Причини за тоа што Македонија не може да оствари значајни стапки на раст има многу. Дел од нив се лоцираат во неповолната структура на задолжувањата. Еден од експертите на банката вели дека задолжувањата се добри само ако се вложат во инвестиции што нпосат развој, а не за плати и пензии. Македонија има простор да се задолжува, но клучното прашање е за што ќе се трошат парите. Јавниот долг е двојно зголемен од пред 7 години. Светска банка констатира дека економскиот раст од 3,2 % е задоволителен во овој момент, но дека темпото е забавено. Се констатира и намалување на трговскиот дефицит, а извозот се движи по стабилна рута. Во извештајот стои дека од 2009 година, буџетската реализација е под проектираното ниво,  а структурата на трошењето останува неповолна. Повеќе пари се трошат за пензии, плати и социјални трансфери отколку за капитални инвестиции. За невработеноста, се вели дека таа се намалува, но дека е енормно висока кај младите луѓе, каде изнесува 47 шроценти. Младите би требало да бидат најработоспособно население. Тоа во Македонија не е случај. Светска Банка нотира низа политички предизвици, кои дојдоа како плод на повеќе месечната политичка криза предизвикана од објавата на прислушуваните разговори, по што следуваше договорот од Пржино.