АКО ИЗДРЖИТЕ ПОЛОВИНА ГОДИНА НА -60, ЌЕ ДОБИЕТЕ ДЕБЕЛА ПЛАТА: „Се е добро додека не ја отворите вратата“

Добивај вести на Viber

Што го натерало автомеханичарот да го напушти Колорадо (САД) и да се упати кон Јужниот пол? Примамлива заработка, предизвик, авантура, љубопитност - по малку од се. Имено, Џеф Капс (33) од 2019 година веќе шест месеци работи на Јужниот пол, а за тоа добива околу 75.000 евра.

Тој се сеќава како еден пријател му кажал за можност за работа во поларната станица Амундсен-Скот на Јужниот пол, која е во сопственост на американската влада.

- Работев во автосалон како механичар. Еден ден, еден стар пријател дојде и рече дека им треба механичар за да работи на моторни санки на Јужниот пол. Си помислив - зошто да не?, вели Џеф.

Своите впечатоци, фотографии и искуства Американецот ги сподели на Инстаграм, а покрај добрата заработка и новиот предизвик се соочи со големи тешкотии: моментално се наоѓа на место каде температурите се спуштаат под -60 степени, а првата продавница е оддалечена илјадници километри.

Секако, во вакви ситуации тимот на стартот се снабдува со храна и потреби.

- Ова е како да живееш на голем брод. Работам таму долу од 2019 година, и таму ја запознав дури и мојата девојка Мишел, која работеше во кетеринг. Станицата ја нарекуваме наш вселенски брод. Од следната најблиска таква станица сме оддалечени повеќе од 1.000 километри, целосно сме изолирани, вели Џеф.

- Како да сте во убав хотел. Имаме одличен тим на готвачи. Внатре е собна температура и можете да се шетате во маица, објасни тој, откривајќи дека во моментов таму живеат вкупно околу 40 луѓе.

Сепак, се е добро додека не ја отворите вратата...

Џеф, всушност, често работи надвор на многу студено време, поправајќи возила. Еднаш, вели, работел на -76 степени, што го опишал како „надреално“.

- Човек би помислил дека веднаш ќе замрзнат до смрт, но тоа е сув воздух, па не е толку лош како што звучи. Најчудно е што никогаш не почувствував морници или мелење коски, а најлошото е што ако студот погоди кој било дел од кожата што не е покриен, добивате остра сензација како кожата да ви е прободена, објаснува овој автомеханичар од САД.