Ахмети: Не гледам светло на крајот од тунелот-се зависи од партиите
Објавено во: Македонија 10 Април, 2017
Централното Претседателство на ДУИ имаше кратка средба во Мала Речица заедно со лидерот на партијата.
По средбата Ахмети истакнал дека во моментот не гледа светло на крајот од тунелот, но сепак се трудат максимално да најдат решение на кризата.
„Максимално се трудиме да ја решиме кризата, но не зависи само од нас, туку од сите партии. Некои од партиите ги блокираат државните институции. Во моментов не гледам светло на крајот од тунелот, но се надевам дека сите партии ќе дадат свој придонес да излеземе од кризата“, посочи Ахмети.
Ахмети вели дека заканувања и уцени нема да ја решат кризата и дека страта реторика не ѝ е потребна на Македонија, туку ѝ е потребен разумен компромис.
Ахмети кажа дека моментално концентрацијата е да се избере претседател на Собранието, а дали ќе ги повлекуваат министрите од техничката влада, засега не гледа причина за тоа, бидејќи и онака таа влада е во оставка.