Адвокатот ангажиран од Мицкоски: Јас живеам од професија, а вие од криминал

Добивај вести на Viber

Адвокатот Панче Тошковски денеска жестоко реагираше до СДСМ и потврди дека целосниот договор под кој бил ангажирана неговата канцеларија за адвокатски услуги кон АД ЕСМ додека директор на оваа компанија бил претседателот на ВМРО-ДПМНЕ, Христијан Мицкоски, изнесува 8,85 милиони денари, но дека го добил во транспарентна постапка.

Еден ден по дебатата на Мицкоски со лидерот на СДСМ, Зоран Заев, од владеачката партија веднаш реагираа, објавувајќи документи од времето кога политичкиот опонент директорувал со АД ЕСМ. Портпаролот на владеачката партија Костадин Костадинов тврди дека Мицкоски му одобрил два договори на адвокатот Панче Тошковски за адвокатски услуги.

Еднаш одобрил исплата на 1,6 милиони, а еднаш на 8,85 милиони денари. Костадинов тврди дека се работи за многу близок пријател на Мицкоски и преговарач на страната на ВМРО-ДПМНЕ за Законот за Јавно Обвинителство. Тошевски со писмо до медиумите твди дека станува збор за еден целосен договор од 8,85 милиони денари.

„Јас живеам од професија, а вие од криминал. Вистината е дека договорот е постигнат во транспарентна постапка  Работев како адвокат на АД ЕСМ до пред шест месеци и  договорот истече додека СДСМ е на власт.. Нема да ме чуди да направат монтажа од целиот случај“, вели Тошковски во дел од своето писмо.