Адора Инженеринг донираше пакетчиња за болните деца

Добивај вести на Viber

Градежната компанија Адора Инженеринг на децата на Одделението за детска хирургија и Одделението за онкологија, денеска им подари 60 новогодишни пакетчиња. Ова е втора хуманитарна акција, како дел од новогодишниот хуманитарен караван на оваа компанија. „Адора Инженеринг постојано реализира хуманитарна акции. Нашата денешна средба со дечињата е убаво заокружување на хуманитарните акции за 2012 година. Среќни сме што овој ден го поминавме со нив и им го разубавивме денот. Во текот на оваа недела предновогодишно ќе ги посетиме и дечињата на детското одделение во Струмица ”, изјави Драгана Чифлиганец, извршен директор на Адора. Инаку годинава Адора Инженеринг прославува една деценија од постоењето.Во изминатиот период Адора повеќе пати вложуваше во заедницата, со донации на две саат кули, фонтана, зелени површини. Дел од општественото одговорните практики на компанијата е и стипендирањето на талентирани студенти, организирање на хуманитарни акции со Црвен Крст, изградба на црква во општина Аеродром-Скопје и подигнување спомен обележје во Охрид.