38 илјади косовари се откажале од државјанството за да станат Германци или Австријци
Објавено во: Балкан 12 Февруари, 2017
Според статистиките на Косово од 2009 до јануари 2017 година околу 38 илјади косовари се откажале од државјанството. Причините за тоа најчесто се добивање на државјанство на друга држави која не прифаќа бипартиди, односно лица со две државјанства, па затоа најчесто се откажуваат од косовското за да добијат германско или австриско државјанство.
Познатиот аналитичар Рамуш Тахири оценува дека постојаниот раст на граѓаните на Косово, кои се откажуваат од државјанството е поради социјалните околности, бидејќи,како што вели, луѓето немаат бенефит од ова државјанство.
– Тешката економска состојба и немањето перспектива во Косово и благосостојбата која ја добиваат во некоја западно европска земја, се главните причини кои ги условуваат Косовците да ја напуштат земјата. Просечните месечни приходи во Косово се 350 евра додека во западно европските земји најнискиот просек изнесува 1.500 евра, наведуваат социолозите.
Наспроти оние кои се откажале од косовското државјанство, во исто време, него го примиле 1.412 Косовци, Турци, како и лица државјани на друга земја, каде се дозволува двојно државјанство.