Добивај вести на Viber
Приходи од 16 милијарди долари за турската индустрија од реализацијата на проектите за изградба на двете нуклерани централи во Турција, очекува турскиот министер за енергетика Танер Јилдиз.
Во интервју за агенцијата Анадолија, Јилдиз вели дека турската индустрија при реализацијата на овие два проекти ќе може да учествува како во самата нивна изградба, така и во обезбедувањето на машини, опрема и електрични компоненти.
- Нашите анализи покажуваат дека во моментов постојат 460 турски компании кои можат да понудат стоки или услуги при изградбата на нуклеарните централи, изјави Јилдиз.
Во процесот за изградба и опремување на двете нуклераки би биле ангажирани околу 20.000 работници, од кои 80 проценти би биле од Турција. По изградбата на двете нуклеарки, Турција ќе може да заштеди 7,2 милијарди долари годишно што сега ги троши за увоз на природен гас за потребите на домашните термоцентрали.
Во 2011 година Турција потпиша договор со руската енергетска компанија „Росатом“ за изградба на нуклеарна централа на брегот на Средоземното Море во округот Мерсин. Покрај оваа, во соработка со француско-јапонски конзорциум, Анкара планира да изгради и втора нуклеарка кај градот Синоп на Црното Море.