Учениците од „Нова“ истражуваа како магнетите влијаат врз течностите и како формата на падобранот ја менува брзината на паѓање
Објавено во: Мои пари 29 Март, 2018
Како магнетот влијае на различни течности; дали растојанието меѓу планетите во соларниот систем е пропорционално со растојанието на честичките во атомот и која е поврзаноста помеѓу кардиоваскуларниот и водоводниот систем. Ова се само дел од истражувањата кои ги претставија учениците од меѓународното училиште „Нова“ на традиционалниот Саем на наука кој се одржа вчера во просториите на оваа образовна институција. Учествуваа околу 130 ученици, а саемот беше отворен за сите заинтересирани граѓани.
Покрај веќе гореспоменатите проекти, учениците од шесто, седмо и осмо одделение презентираа и истражувања за тоа колку брзо се раствора витаминот Ц во вода загреана на различни температури, како дигестивните ензими влијаат на конзумираната храна, како формата на падобранот влијае на брзината на паѓање итн.
Задачата на учениците била да го следат научниот метод кој вклучува поставување на хипотеза, набљудување, експеримент, моделирање, истражување и анализа на податоците и голем број од младите научници дошле до одговори на многу интересни прашања.
- Оваа учебна година учениците започнаа со изучување на нов меѓународен интердисциплинарен курикулум кој ги поврзува сите предмети што се изучуваат и кој дополнително го поврзавме со Саемот за наука.Според тоа учениците од шесто одделение работат под мотото „Креативност“ и нивните истражувачки проекти се од областа на хемијата. Учениците од седмо одделение работат под мотото „Комуникација“ и нивните истражувачки проекти се од областа на биологијата, додека учениците од осмо одделение работат под мотото „Предизвик“ и нивните истражувачки проекти се од областа на физиката – појаснуваат од меѓународното училиште „Нова“.
Ова е веќе деветта година како се одржува Саемот на наука во оваа образовна институција, а целта е да се истакнат, развијат и надградуваат афинитетите кон природните науки кај учениците преку проекти кои нема да се базираат само на теорија туку и на практична работа. Голем дел од учениците во „Нова“, покрај тоа што го продолжуваат образованието на престижни факултети во странство, се одлучуваат да се фокусираат на различни областа во сферата на природните науки.
Можеби ќе ве интересира
Промоција на „Шарени ириси“ – новата хибридна инклузивна сликовница во издание на „Арс Ламина“
ЖИМ Коскоска се врати на тронот, ИМ Тони Лазов првпат до титулата
РЕС е најголем снабдувач со струја на слободниот пазар, објави Регулаторната комисија за енергетика
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
