Зошто Русија и се лути на Франција?
Објавено во: Свет 02 Декември, 2022
Русија е „огорчена” затоа што Франција дава поддршка за формирање Суд за воени злосторства во Украина.
Министерство за надворешни работи на Русија денеска соопшти дека е „огорчено” од изјавата на француското Министерство за надворешни работи дека ги поддржува плановите за создавање Суд за злосторствата извршени од Русија во Украина, пишуваат британските медиуми.
„Ги повикуваме француските дипломати, кои посветуваат толку многу внимание на прашањата за човековите права, да не ги делат луѓето на „праведни” и „погрешни”, „наши” и „странци”, реагира руското Министерство за надворешни работи.
Украина бара формирање на специјализиран суд за судење на руските воени и политички лидери кои ги смета за одговорни за започнување на војната.
Но, дури и руски новинари упатија морничави закани кон украинскиот народ, а неодамна една од руските новинарки изјави дека Русија мора да победи во војната, инаку ќе им се суди за воени злосторства.На територија на Украина досега се откриени повеќе масовни гробници. Руската инвазија на Украина почна на 24 февруари.