ЗОШТО НА ТАТКОТО НА МОМЧЕТО УБИЕЦ МУ Е ЗАПЛЕНЕТ ЦЕЛИОТ ИМОТ - Блиц открива: Една работа што ја направил во притвор го привлекла вниманието на судот

Добивај вести на Viber

Одлуката на Вишиот суд во Белград со која на В.К., таткото на момчето убиец му забраниле да располага со имотот, уследила откако побарал нотар да дојде да го посети во притвор! Неговата намера била да ја провери потребната документација, за да може да располага со својот имот, дознава Блиц.рс.

Според информациите со кои располага Блиц.рс, семејствата на убиените деца поднеле имотно правно барање по смртта на нивните деца, при сведочењето во Обвинителството, во истрагата што се води против В.К., поради сомнение дека не ги обезбедил пиштолите за кои имал дозвола, а кои потоа ги зел неговиот син и извршил масовно убиство во ОУ „Владислав Рибникар“.

– Адвокатот на семејството поднесе барање до Вишиот суд да му забрани на таткото на момчето убиец да располага, отуѓува и оптоварува со недвижниот и движен имот што го поседува, а кој опфаќа стан во Белград, делови од деловен простор во Белград и патничко моторно возило. Со оглед на тоа што таткото на момчето убиец побарал нотар за да му овозможи да располага со неговиот имот, што значи дека тој овој имот може и да го продаде, судот донесе одлука да му го забрани тоа - вели изворот на „Блиц“. 

Тоа значи дека В.К. нема да може да продаде ништо што е во негова сопственост се додека трае истрагата или постапката против него. Дури кога ќе се донесе правно обврзувачка одлука - односно тој или ќе биде осуден или ослободен, ќе може да располага со својот недвижен имот.

- Во случај да биде осуден, ќе има средства со кои ќе може да се подмират барањата на семејствата на убиените деца. Судот ги штити семејствата, а со оваа одлука тој нема да може да продаде ништо додека трае постапката - вели изворот на Блиц.рс.

В.К. против ова решение на судот има право на жалба.

Да потсетиме, таткото на момчето убиец се товари за кривично дело – тешки кривични дела против општата безбедност, на кое му се заканува казна од 12 години!

Вишото јавно обвинителство во Белград истражува дали таткото на момчето го научил да пука со оружје, дали го однел на стрелиште, но и како го обезбедувал оружјето за кое имал дозвола, а кое момчето го зеде и уби девет од неговите врсници и чувар од ОУ „Владислав Рибникар“.

На почетокот на месецот притворот повторно му беше продолжен за 30 дена, откако беше уапсен откако неговиот син извршил страшно злосторство.

Блиц.рс

Фото: Фактор