ЗНМ објави „Прирачник за етичко известување од избори“
Објавено во: Мои пари 23 Јуни, 2020
Здружението на новинарите на Македонија во пресрет на претстојните парламентарни избори изготви „Прирачник за етичко известување од избори во Северна Македонија“ кој ќе помогне на новинарите и медиумите во подобро запознавање со етичките и правните аспекти на покривање на изборната кампања и денот на изборите.
Во прирачникот е истакната важноста на почитувањето на етичките стандарди при известувањето, како и улогата и значењето на медиумите за време на самите избори. Во таа насока, истакнато е дека информативната улога на медиумите подразбира дека тие урамнотежено и коректно ќе известуваат за кампањата на сите политички партии, со што би им помогнале на граѓаните да одлучат како ќе гласаат.
Публикацијата е поделена на четири дела кои освен за етичките стандарди, се однесуваат и на етичките принципи за реализација на фер и балансирана телевизиска кампања со политичките опоненти, меѓународните правни стандарди за слободата на изразување и изборите, како и за националните правила за медиумско покривање на изборните процеси.
Како автори се јавуваат: д-р. Марина Тунева на делот кој се однесува на етички стандарди и улога и значење на медиумите за време на избори, потоа Младен Чадиковски, во делот за етички принципи за реализација на фер и балансирана телевизиска дебата со политички опоненти.
Освен етичките принципи во посебен дел м-р. Насер Бислими разработува теми поврзани со меѓународни правни стандарди за слобода на изразување и избори, а м-р. Емилија Јаневска ја разработува темата која се однесува на национални правила за медиумско покривање на изборни процеси.
Уредник на публикацијата е Драган Секуловски, Извршниот директор на ЗНМ, кој на крајот има изработено препораки од Здружението на новинарите на Македонија во контекст на предлог измените на Изборниот законик.
Оваа публикација беше поддржана од Меѓународната фондација за изборни системи (ИФЕС) со поддршка на американскиот народ преку Американската агенција за меѓународен развој (УСАИД) и ОБСЕ Канцеларија за демократски институции и човекови права (ОДИХР).Содржината на оваа публикација е единствена одговорност на ЗНМ и авторите и во никој случај не може да се смета дека ја одразува позицијата на УСАИД или Владата на САД, ИФЕС или ОДИХР.
Можеби ќе ве интересира
Успешен и профитабилен прв квартал од 2024 за НЛБ Банка
АСО: Неоправдано поскапување на задолжителното автомобилско осигурување
ТРИКРАТНИОТ ШАМПИОН ИГОР ИЏЕ СТЕФАНОВСКИ ВО ПОХОД ПО НОВА ЕВРОПСКА ТИТУЛА
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
