22 Јуни, 2024
0.0282

„ЗГОЛЕМУВАЊЕ НА СУДИСКИОТ СТАЖ ОД 6 НА 15 ГОДИНИ“: еве какви промени најавува Министерство за правда за Судскиот совет

Објавено во: Македонија 11 Јуни, 2024

Добивај вести на Viber

Судиски стаж од 15 години како услов за членовите на Судскиот совет од редот на судиите. Зголемување на работното искуство од 15 на 20 години како услов за членовите на Судскиот совет избрани од Собранието на Република Северна Македонија. 

Ова се дел од измените кои ги најавува Министерството за правда како мерки кои се преземаат со цел имплементирање на препоракатите од Оценската мисија на Европската унија за Судскиот совет.

- Во досегашното спроведување на Законот за Судскиот совет на Република Северна Македонија беа лоцирани одредени недостатоци, за чие што надминување од страна на Оценската мисија на Европската Унија беа дадени конкретни предлози. Министерот за правда формираше Работна група за изготвување на Закон за изменување и дополнување на Законот за Судскиот совет на Република Северна Македонија согласно дадените препораки од Оценската мисија на Европската Унија. Работната група одржа 23 состаноци на кои беа адресирани релевантните препораки од Оценската мисија - соопштуваат од Министерството за правда. 

Од таму додаваат дека согласно Развојната секторска стратегија за правосудство предвидено е ревидирање на одредбите од Законот за Судскиот совет на Македонија кои се однесуваат на индивидуалната дисциплинска одговорност на членовите на Советот со посебен фокус на дефинирање на причините поради кои може да се иницира постпаката, органот/телата кои ќе постапуваат и правото на жалба.

- Во Стратегијата е предвидено да се постапи согласно препораките од извештајот од Оценската мисија на Судскиот совет. Целта на законските измени е да се зајакне независноста на судството, како и професионалноста и одговорноста на членовите на Судскиот совет - посочуваат од Министерството.

Од оваа институција велат дека најважни новини кои се предлагаат во Предлогот на Законот за изменување и дополнување на Законот за Судскиот совет на Република Северна Македонија, а се засновани врз основа на насоките на Оценската мисија на ЕУ се:

1. На огласот на Собранието на Република Северна Македонија за избор на член на Совет, свои предлози за член да даваат:

- Интеруниверзитетската конференција, со кандидати од редот на редовни професори по право со професорски стаж од најмалку 20 години од првите три најдобро рангирани универзитети во државата;

- Адвокатската комора на Република Северна Македонија со кандидати од редот на адвокатите со адвокатски стаж од најмалку 20 години

2. Зголемување на судискиот стаж од шест на 15 години како услов за членовите на Судскиот совет од редот на судиите

3. Зголемување на работното искуство од 15 на 20 години како услов за членовите на Судскиот совет избрани од Собранието на Република Северна Македонија

4. Регулирање на начинот на избор на членови на Советот од Собранието на Република Северна Македонија, следејќи го компаративното искуство за избор на членови во ДКСК согласно Законот за спречување на корупцијата и судирот на интереси

5. Воведување на изборен цензус за изборите на членови во Судскиот совет од редовите на судиите, и тоа за успешни да се сметаат изборите на кои излегле повеќе од половина запишани избирачи за таа изборна единица

6. Воведување на правило согласно кое за да биде избран член на Советот од редовите на судиите, кандидатот треба да добие повеќе гласови од половината од излезените гласачи.

Можеби ќе ве интересира

Спасовски: Во програмата на новата власт нема нови, туку проекти што треба да се довршат

Спасовски: Во програмата на новата власт нема нови, туку проекти што треба да се довршат

Мицкоски: Историски ден, време е Македонија да му возврати на секој чесен граѓанин

Мицкоски: Историски ден, време е Македонија да му возврати на секој чесен граѓанин

АФФ се извини за пцуењето на Даку на Македонија

АФФ се извини за пцуењето на Даку на Македонија

Владимир Нелоски би бил шеф на кабинетот на Мицкоски

Владимир Нелоски би бил шеф на кабинетот на Мицкоски

Украина и Молдавија ја преминаа Македонија во евроинтеграциите - добија датум за преговори

Украина и Молдавија ја преминаа Македонија во евроинтеграциите - добија датум за преговори

Јавниот превоз во Скопје пред колапс, приватните превозници најавија протест

Јавниот превоз во Скопје пред колапс, приватните превозници најавија протест

Посебен режим на сообраќај денеска во Скопје

Посебен режим на сообраќај денеска во Скопје

КАКО ПО ФИЛМСКО СЦЕНАРИО: со закани барале 80 илјади евра, па му го запалиле автомобилот

КАКО ПО ФИЛМСКО СЦЕНАРИО: со закани барале 80 илјади евра, па му го запалиле автомобилот

ЗАГИНАТАТА МАКЕДОНКА ВО ГРЦИЈА ИМАЛА САМО 29 ГОДИНИ: МНР го откри идентитетот и на повредените сопатнички

ЗАГИНАТАТА МАКЕДОНКА ВО ГРЦИЈА ИМАЛА САМО 29 ГОДИНИ: МНР го откри идентитетот и на повредените сопатнички