ЖЕСТОКИ ЕКО ПРОТЕСТИ ВО ХАГ, МЕЃУ ДЕМОНСТРАНТИТЕ И ПОЗНАТАТА АКТЕРКА ОД „ИГРА НА ТРОНОВИ“: Полицијата уапси над 1.500 луѓе
Објавено во: Свет 28 Мај, 2023
На протестите за
зажтита на животната средина во Хаг беа уапсени повеќе од 1.500 луѓе. Меѓу
демонстрантите имаше и неколку холандски познати личности, меѓу кои и актерката
од „Игра на тронови“, Карис ван Хаутен.
Повеќе од 1.500 луѓе беа уапсени за време на протестот на климатската група „ "Extinction Rebellion", соопшти холандската полиција.
Активисти попладнево блокираа дел од автопатот во знак на протест поради холандските субвенции за фосилни горива. Полицијата соопшти дека употребила водени топови за да ги растера активистите што го блокираа главниот пат во градот и уапси „вкупно 1.579 луѓе од кои 40 ќе бидат кривично гонети“ за вандализам.
Еден од
активистите каснал полицаец при апсењето, соопшти полицијата. Неколку холандски
познати личности беа меѓу демонстрантите, меѓу кои и Карис ван Хаутен,
најпозната по улогата на Мелисандра во хит ТВ серијата „Игра на тронови“.
Ван Хаутен на Инстаграм објави видео на кое носи црвено пончо додека ја прскаат од воден топ.
АНП објави дека таа била уапсена и подоцна и било дозволено да се врати дома, но не прецизирала дали таа е меѓу оние што треба да се гонат. Според Extinction Rebellion, 7.000 луѓе се собрале да се приклучат на демонстрациите, пренесува британски „Гардијан“.
ФОТО: EPA/Sem van der Wal