Добивај вести на Viber
Нè очекува жешко лето. Жештините веќе ги уништуваат патувањата во Европа.
Грчките власти неделава го затворија Акропол поради високите температури. Опасни по живот температури ќе ги погодат и САД оваа недела, а технички сѐ уште е пролет.
Рекордните температури и екстремните временски настани ширум светот во последните денови најавуваат уште едно неиздржливо лето, иако патувањата по пандемијата продолжуваат да растат, пишува Business Insider. Температурите се искачија над 39 степени Целзиусови низ централна и јужна Грција неделава, што резултираше со затворање на сите археолошки локалитети во грчката престолнина од пладне до 17 часот. Акропол, најпопуларното туристичко место во Грција, беше затворено лани поради жештините. Патниците кои беа блокирани на летот на „Катар ервејс“ во Атина во понеделникот прибегнаа кон соблекување додека седеа на топлина од 45 степени без климатизација.
Жешките лета не се проблем само во Европа. Со температури опасни по живот во наредните денови ќе бидат зафатени и САД.
foto freepik.com