ЖЕНИТЕ СИ ГО КАЖАА СТАВОТ: Македонките би работеле за плата над минималната
Објавено во: Економија 09 Март, 2020 06:57
Најголем дел од македонските жени би прифатиле да работат за плата која е поголема од минималната.
За ова сведочат податоците кои ги објави Државниот завод за статистика, по повод Mеѓународниот ден на жената 8-ми Март.
Тие покажуваат дека 34.7 отсто од жените би работеле за сума од 16.001 до 20.000 денари.
32.3 отсто би се задоволите со плата од 12.001 до 16.000 денари.
21.7 отсто сакаат плати од 20.000 до 30.000 денари, а 1.7 отсто би работеле за сума до 40.000 денари.
Само 0.3 отсто се изјасниле дека би работеле за плата над 40.000 денари.
Но, ако се погледнат огласите, повеќето работодавци нудат минималец за почеток. Сепак, луѓето кои посредуваат при вработување тврдат дека во нашето општество мажите и жените не се рамноправни.
„Кај нас обично мажите успеваат да се изборат за повисока плата, но има и исклучоци каде жените заработуваат многу повеќе и се на високи позиции. Сепак, жените одат на породилно отсуство, и се случува да ја изгубат работата во меѓувреме, едноставно не им ги чуваат работните места. Мажот не може да ја изгуби работата од тие причини, така што жената во старт е во подредена положба, едноставно таква е културата кај нас“, велат од скопска агенција за посредување при вработување.
Од Организација на жени Кочани објаснуваат дека мажите и жените не се рамноправни во однос на платите, и тоа треба да се смени во иднина.
„Треба да бидат рамноправни жените и мажите кога се работи за примањата. Една жена треба да биде задоволна со примања од 30.000 денари, или сума приближно на оваа, но со минималец не може да опстане, посебно ако се работи за самохрана мајка“, додава Надежда Глигорова, претседателка на Организација на жени Кочани.
Во земјава 81 отсто од невработените и неактивни жени живеат од платата на некој друг член на семејството, објави ДЗС.
Во урбаните заедници во Македонија само 3,6 отсто од вработените жени се работодавачи, а во руралните заедници дури 22,4 проценти од вработените жени не земаат плата за тоа оти работат семејни работи од кои се издржува семејството, покажуваат податоците од Државниот завод за статистика.
Минималецот во земјава е 14.500 денари од декември лани.
Сања Атанасовска* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ДОЦНА НАВЕЧЕР СЕ ПОТПИШУВАА РЕШЕНИЈА: Субвенции за набавка на клима уреди во Скопје
КУПИЛ ДВЕ НАПУШТЕНИ ШТИПСКИ СЕЛА: Косовски бизнисмен бара од Владата да ја гради најголемата фотоцентрала
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
Димитриеска-Кочоска: Нема задолжување надвор од предвидените за годинава
Германија ја зголемува минималната плата од 1 јануари, компаниите најавуваат зголемување на цените и отпуштања
