11 Декември, 2023
0.0243

Здрава е, но и скапа за повеќето граѓани – имаме ли навика да купуваме бамја?

Објавено во: Економија, Агробизнис 30 Септември, 2023

Добивај вести на Viber

Во Македонија годинава и бамјата има повисока цена за разлика од лани и претходните години.

Трајче Ангелов, трговец од Штип смета дека луѓето помалку ја купуваат од порано, затоа што според него, цената од 300 до 350 денари за граѓаните е проблем.

„Во Штип има неколку производители на бамја, ја садат, но народот послабо ја купува поради цената“, вели тој.

Прилепчанка раскажува дека бамјата кај нив ја бараат, затоа што малку ја има годинава, како и многу други производи, а цената е висока.

„Јас лично би дала 300 или 350 денари за килограм бамја, но за некого веројатно е скапо. Порано ја садев, имам печка за сушење на зеленчук, па ја користев сушена, конзервирана или замрзната. Сега сум во години и веќе ми е тешко да ја произведувам“, вели жена од Прилеп.

Љупчо Ефремоски од Прилеп веќе 20 години произведува и продава бамја.

„Имам редовни муштерии, постарите ја купуваат, а младите од 20 или 30 години не знаат што е тоа, ме прашуваат на пазар да не е боранија. Цената е 200 денари за килограм. Во Скопје сигурно е полесно за продажба,  Прилеп е помал, нема толку многу луѓе“, рече Ефремоски.

Марија Кочовска од Битола вели дека нејзиниот родител произведувал бамја неколку години, и тоа по 100 килограми на годишно ниво, но сега прекинале, затоа што поради климатските промени не успева како порано. Со исти проблеми се соочуваат и другите луѓе кои садат бамја. Дел од растенијата се уништени од неповолните временски услови.

„Имавме мали површини со бамја. Интересот за бамјата зависи од регион до регион. Во Битола имаше интерес од постарите градски семејства, а помладите не ја бараат. Можам да кажам дека 95 отсто од купувачите беа од Битола“, рече Кочовска.

Сепак, има и граѓани кои се свесни за здравствените бенефити од бамјата и ја користат редовно.

„Јас многу сакам бамја. Купив два килограми деновиве, на пазарите ја има. На еден пазар во Скопје, на 4-5 тезги ќе најдете бамји, по цена од 200 денари за килограм свежите, а оние кои се малку овенати се поевтини. Садев бамја претходно, така што постојано си раѓа, а плодовите се берат додека се млади. Во Турција не прават манџа без бамја, многу е здрава“, вели Надежда Трајановска од Скопје.

Бамјата е богата со витамините Ц и К, но и на магнезиум и витамин А. Бамјите се добри за имуниот систем и здравјето на коските, тие се погодна храна за дијабетичари, за слабеење, за бремени жени и се храна добра за одржување на здравиот вид. Антиоксидантите од бамјата се покажале и како добри за здравјето на мозокот. Во Африка и Азија бамјата се употребувала уште пред 3.000 години. За разлика од пред 10 години, сега во светот за 25 отсто се зголемило производството на бамјата. Индија, Нигерија, Мали, Судан  се едни од најголемите производители на бамја во светот.

Сања Атанасовска

foto freepik.com/bowonpat

* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2023 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

ИНТЕРВЈУ БЕСИМИ: Буџетот за идната година не е предизборен, со него ќе ја доведеме економијата во „мирни води“, а потоа и ќе го забрзаме растот

ИНТЕРВЈУ БЕСИМИ: Буџетот за идната година не е предизборен, со него ќе ја доведеме економијата во „мирни води“, а потоа и ќе го забрзаме растот

К-15 од 2 милиони евра легна на сметките на полицајците

К-15 од 2 милиони евра легна на сметките на полицајците

Недостиг на работна сила: Тренчевска оди во Будимпешта

Недостиг на работна сила: Тренчевска оди во Будимпешта

Управниот одбор на Комората зајакнат со два нови подпретседатели и три нови члена

Управниот одбор на Комората зајакнат со два нови подпретседатели и три нови члена

Кој „ископа“ џек пот во РЕК Битола? Ќе наплати 97 милиони евра од тендери во 2 години!

Кој „ископа“ џек пот во РЕК Битола? Ќе наплати 97 милиони евра од тендери во 2 години!

Легализацијата на дивоградбите продолжува, но за многу поскапо

Легализацијата на дивоградбите продолжува, но за многу поскапо

ОСТРАТА ЗИМА ГИ НАМАЛИ ЗАЛИХИТЕ: Еве колку гас троши Европа

ОСТРАТА ЗИМА ГИ НАМАЛИ ЗАЛИХИТЕ: Еве колку гас троши Европа

НАЈВЕЛИКОДУШНИОТ БРИТАНЕЦ, СЕПАК, МИСЛЕЛ И НА СЕБЕ - си исплатил повеќе од еден милион фунти за секој работен ден

НАЈВЕЛИКОДУШНИОТ БРИТАНЕЦ, СЕПАК, МИСЛЕЛ И НА СЕБЕ - си исплатил повеќе од еден милион фунти за секој работен ден

Chinadaily: Експертите велат дека податоците од услугите го потврдуваат закрепнувањето

Chinadaily: Експертите велат дека податоците од услугите го потврдуваат закрепнувањето