31 Јануари, 2023
0.0268

Започнува нов бизнис со електрична енергија во Македонија, виртуелните производители ќе продаваат струја

Објавено во: Економија 23 Ноември, 2022

Добивај вести на Viber

Од почетокот на оваа и од крајот на минатата недела со работа започнаа виртуелните производители на електрична енергија во земјата, откако операторот на пазарот МЕМО ги запиша првите учесници во регистерот.

РЕС, ЕВН Електроснабдување, ЕДС и Мист Енерџи Еко се компаниите кои отсега ќе може да купуваат електрична енергија од сите производители на струја од обновливи извори (сонце, вода, ветер и биогас) и интегрирано да ја продаваат по стабилна цена  на крајните потрошувачи, кои најчесто би биле компании.

Со впишувањето во регистарот на националниот оператор на пазарот на електрична енергија МЕМО, според новите правила, виртуелните производители можат да ги остварат првите трансакции.

- Тоа е нов и добар бизнис концепт со кој овие виртуелни производители ќе купуваат електрична енергија од производителите на електрична енергија од обновливи извори  на енергија, кои во овој случај сега не мора да имаат лиценца, и потоа интегрирано од еден центар ќе ја продаваат на крајни потрошувачи, ни изјави добар познавач од бизнисот кој сакаше да остане анонимен во случајов.

Според правилата на пазарот на електрична енергија, овие компании треба да понудат поголеми количини на струја од обновливи извори, со постабилни цени и да бидат еден вид на интегратори. Ќе можат да гарантираат балансна стабилност, нудејќи им на сите сопственици на производни капацитети најдобар и најсигурен откуп на електрична енергија.

Ќе може да понудат повеќе поволности како за крајните потрошувачи, така и за производителите на електрична енергија од обновливи извори. Ќе ги интегрираат производителите на електрична енергија од обновливи извори во еден центар кој што ќе обезбеди стабилно снабдување за македонските компании.

„Виртуелен производител, согласно Закон за енергетика, може на пазарот на електрична енергија да ги претставува производителите коишто се приклучени на електродистрибутивната мрежа. Производителите коишто ќе сакаат да бидат застапувани од виртуелниот производител нема да може да бидат учесници на пазарот на електрична енергија, односно ќе треба да го раскинат договорот за учество на пазарот на електрична енергија. Понатаму, виртуелниот производител комерцијално и технички ќе ги интегрира производителите и за нивно име и сметка ќе ја продава електричната енергија на пазарот“, се вели во дефиницијата на правилата.

А.К.


Можеби ќе ве интересира

Лани државата за 17 отсто ги зголемила приходите од даноци

Лани државата за 17 отсто ги зголемила приходите од даноци

НОВ БРАН ПРОТЕСТИ ЈА ПАРАЛИЗИРАА ФРАНЦИЈА: Училиштата затворени, сообраќајот во застој

НОВ БРАН ПРОТЕСТИ ЈА ПАРАЛИЗИРАА ФРАНЦИЈА: Училиштата затворени, сообраќајот во застој

Анѓушев: Од мај продажба на електрична енергија за извоз

Анѓушев: Од мај продажба на електрична енергија за извоз

ПЕНЗИСКИОТ ФОНД НА НОРВЕШКА ДОЖИВЕА НАЈГОЛЕМА ЗАГУБА ВО ПОСЛЕДНИТЕ 25 ГОДИНИ: Помалку има дури 152 милијарди евра

ПЕНЗИСКИОТ ФОНД НА НОРВЕШКА ДОЖИВЕА НАЈГОЛЕМА ЗАГУБА ВО ПОСЛЕДНИТЕ 25 ГОДИНИ: Помалку има дури 152 милијарди евра

Бектеши открива: Гасот доаѓа од Турција и Грција

Бектеши открива: Гасот доаѓа од Турција и Грција

Официјално: Над 10.000 Македонци лани работеле како странци во Хрватска

Официјално: Над 10.000 Македонци лани работеле како странци во Хрватска

За колку се намали вредност на рубљата во однос на доларот?

За колку се намали вредност на рубљата во однос на доларот?

ПОТРЕБНИ СЕ И ВО ЈАВЕН И ВО ПРИВАТЕН СЕКТОР: Оваа професија станува популарна

ПОТРЕБНИ СЕ И ВО ЈАВЕН И ВО ПРИВАТЕН СЕКТОР: Оваа професија станува популарна

Прогнозите на ММФ контрадикторни: „Очекувајте го неочекуваното“, а оваа земја дефинитивно оди во рецесија

Прогнозите на ММФ контрадикторни: „Очекувајте го неочекуваното“, а оваа земја дефинитивно оди во рецесија