Заев се „натовари“ со нова обврска - Ќе го води Комитетот за земјоделство и безбедност на храна
Објавено во: Македонија 05 Јануари, 2018
Владата донесе одлука за формирање на Комитет за земјоделство и безбедност на храна, кој ќе има задача да ја следи реализацијата на мерките и проектите во врска со агросекторот, безбедноста на храната и ветеринарната заштита на животните и да дава насоки и предлози заради подобрување на состојбите во спомнатите области.
Претседател на Комитетот за земјоделство и безбедност на храна ќе биде премиерот Зоран Заев кој си презеде уште една обврска од владините тела и работни групи.
Покрај Претседателот на Владата на РМ, членови
на Комитетот по функција се изаменик
на претседателот на Владата на Република Македонија задолжен за економски
прашања и за координација со економските ресори, министерот за земјоделство, шумарство и
водостопанство, министерот
за здравство, министерот
за животна средина и просторно планирање, министерот за финансии, и директорите на Агенција за финансиска поддршка во
земјоделството и руралниот развој и на Агенцијата
за храна и ветеринарство, соопштија од Владата.