Заев откако Рашковски беше фотографиран во Аеродором: Колку што знам, може да оди на лекар
Објавено во: Македонија 16 Септември, 2021
Поранешниот државен секретар Драги Рашковски, кому му е одреден куќен притвор за спорна набавка на софтвер, е фотографиран како се шета низ Аеродром, а премиерот Зоран Заев денеска, одговарајќи на новинарско прашање, рече дека поранешниот владин функционер има дозвола да оди на лекар.
Заев вели дека она што тој го знае е дека Рашковски има решение од суд со кое му е дозволено во точно определено време да оди на лекар заради здравствени потреби.
– Правосудните органи и МВР соопштија дека има дозвола од суд во точен период кога да оди на лекар. Тоа го прочитав од медиумите. Не знам зошто е виден да оди слободно или не. Знам дека со решение има точно предвидено време кога да оди на лекар заради здравствени потреби, одговори Заев.
Во меѓувреме и полицијата потврди дека ова му се дозволува со решение од судот за да оди на лекар.
- Рашковски смее да излезе од дома само за на лекар, во точен период од денот за да ја добие здравствената услуга.
Дозволата е за точно определени денови.
Во останатиот период од денот (освен
периодот од неколку часа, кој му е дозволен
од судот) Д.Р. ја почитува мерката.
Конкретно денеска се направени две
проверки од полициски службеници на СВР
Скопје и Д.Р. ја почитувал мерката која му е
изречена“, рекоа од МВР.