23 Февруари, 2020
0.0249

Заев до ССК: Бевме кабаетлии за прогресивниот данок, тоа и го признавме

Објавено во: Економија 21 Јануари, 2020

Лидерот на СДСМ денеска заедно со своите економски советници Митко Андреевеки и Фатмир Битичи дојде на гости кај бизнисмените од Сојузот на стопански комори. Целта беше да се слушнат нивните потреби и забелешки и тие да се вградат во економската програма на СДСМ.

„Влегуваме во предизборен период, што да се направи за деловниот сектор, како да имаме економски бенефит. Тука сме да ги кажеме нашите ставови, што и треба на деловната заедница, што треба политичките чинители да интегрираат во својата програма“, рече Данела Арсовска, претседателка на СДСМ. 

Според неа, за приватниот сектор од големо значење е да има правна сигурност, функционален систем, ефикасна и ефективна администрација, за да се зголемат инвестициите и економскиот раст и развој. 

„Нашите добри идеи да се пресликаат и да не се изјаловуваат, како што сега се прави. Односно се случува да имаме добра идеја, која потоа ќе се разобличи, и потоа нема да ги даде резултатите“, рече Арсовска. 

Заев нагласи дека ќе има искрен пристап, во програмата да се вградат практични сугестии на бизнисмените. 

„Има многу што да работиме. Најголема забелешка од ССК досега беше тромовоста и трапавоста на администрацијата, скриените давачки и сивата економија, кои прават голем проблем на сите што работат легално на пазарот. Дојдов тука повеќе да слушам од вас, за ова да го вградиме во нашите програми, би сакале забелешките да ги добиеме написмено“, рече Заев.

Тој нагласи дека сакаат да учат од бизнисмените, бидејќи тие се практичарите. „Да ги преточиме вашите барања и укажувања во нашите програми, а не да дојдеме со готови програми. Затоа е најдобро да ги добиеме написмено“, рече поранешниот премиер.

Тој призна дека оваа Влада имала слабости во економијата.

„Имавме слабости и ги признававме, за носењето на праведниот данок - кабаетливоста беше на наша страна и тоа го признавме, не го издискутиравме и ненавремено го подготвивме. А бизнисот бара предвидливост“, рече Заев. 

Според Арсовска, еден од предизвиците е владеење на правото. 

„Тоа не е важно само за приватниот сектор, туку и за сите граѓани. Сивата економија, ефикасна и ефективна администрација, бидејќи секое непостапување значи губење на драгоцени средства во администрацијата. Европската унија е патот кој сите го посакуваме, бидејќи ни требаат сите работи што треба да ги спроведеме за да стигнеме до неа, а тоа е функционалност на институциите и владеење на правото“, рече Арсовска.

Според неа, годината ќе биде во знакот на политиката, а не на економијата. Компаниите сакаат да знаат што планираат политичките играчи, за да знаат во која насока да се движат, сакаат да имаат предвидливост. Доколку политичките чинители знаат што е за нивно добро, треба да се оттргнат од политиката. И да се оттргнат од политичкиот клиентелизам, светот веќе го вртат дигиталните технологии и паметните луѓе, претприемачите со добри идеи.

Според Заев, дојдовме до стадиум политичките прашања да се решени во државата. Но, за него е ризик ако се најавува поништување на Перспанскиот договор. 

„За мене беше потребна голема храброст за тој договор, но главната причина за него беше економијата“, рече поранешниот премиер.

Тој ќе оди на економијата како на главна карта. 

„Јас ќе одам на економијата, јас сум економист, дигнавме од минус 1,8 на 3,6 економски раст, иако и тоа можеби не е доволно. Лично ќе се посветам со огромна доминација на економијата, две работи доминантни, економија и трансформација. Граѓаните бараат правна држава заради подобрување на економијата“, рече Заев. 

За законот за јавно обвинителство утре очекува писмен предлог од ВМРО-ДПМНЕ. „Има надеж, добро се движат работите, треба да се обезбеди двотретинско мнозинство. Немаме многу време“, објасни лидерот на СДСМ.

Н.Н.Ф.

Можеби ќе ве интересира

НОВИ ВРАБОТУВАЊА: Министерката Ангеловска очекува невработеноста да се намали на 16 отсто

НОВИ ВРАБОТУВАЊА: Министерката Ангеловска очекува невработеноста да се намали на 16 отсто

РАЗЛИКA ВО ПЛАТИ: Со четири месеци работа земаат колку еден програмер

РАЗЛИКA ВО ПЛАТИ: Со четири месеци работа земаат колку еден програмер

Компаниите бараат владеење на правото, со Италија има можност за поголема соработка

Компаниите бараат владеење на правото, со Италија има можност за поголема соработка

Анѓушев на 98 години - Стопанска комора: Порано проблемот беа финансиите, сега кадарот

Анѓушев на 98 години - Стопанска комора: Порано проблемот беа финансиите, сега кадарот

ЛЕСНО НАОЃААТ РАБОТА, А ИМААТ И НАЈГОЛЕМА ПЛАТА: Зошто е добро да се биде програмер во Македонија

ЛЕСНО НАОЃААТ РАБОТА, А ИМААТ И НАЈГОЛЕМА ПЛАТА: Зошто е добро да се биде програмер во Македонија

Водоводни дефекти на неколку улици, проблемот во Гази Баба саниран

Водоводни дефекти на неколку улици, проблемот во Гази Баба саниран

ТОП ПЕТ НАЈПЛАТЕНИ ПРОФЕСИИ: Каде се „кријат“ највисоките плати во земјава

ТОП ПЕТ НАЈПЛАТЕНИ ПРОФЕСИИ: Каде се „кријат“ највисоките плати во земјава

ОПОЗИЦИЈАТА КРИТИКУВА, ВЛАСТА СМИРУВА: Јавниот долг расте а се наѕира и нова еврообврзница

ОПОЗИЦИЈАТА КРИТИКУВА, ВЛАСТА СМИРУВА: Јавниот долг расте а се наѕира и нова еврообврзница

Колку пари има во бизнисот со продажба на очила за сонце

Колку пари има во бизнисот со продажба на очила за сонце