ЗАЕМИ ОД ЕМИРАТИТЕ: Србите ќе ги враќаат парите со повисоки камати
Објавено во: Свет 08 Јули, 2024
Поскапуваат заемите од Емиратите, а Србите ќе враќаат две милијарди долари со повисоки камати.
Парите кои Србија ги позајмила од Емиратите преку два заеми, наместо оваа – ќе се враќаат за две години и со повисока камата. Наместо заемот од милијарда долари земен од Фондот за развој на Абу Даби во 2022 година да се врати во декември годинава, тоа ќе се направи дури во 2026 година, пишува Н1 Србија. Продолжувањето на рокот за отплата дополнително ќе ја чини Србија, бидејќи ќе плаќа камата по стапка од четири проценти, наместо првично договорените три проценти. Истото важи и за уште една милијарда долари, позајмени уште во 2014 година од Владата на Емиратите со стапка од два отсто, каде што исто така ќе се враќа заемот две години подоцна – во август 2026 година, со стапка од четири проценти.
Владата на 4 јули усвои два нацрт-закони поврзани со договор и договор за заем потпишан од Србија со Владата на Обединетите Арапски Емирати и Фондот за развој на Абу Даби.
Фото: Pexels