ЗА ПРВ ПАТ ПО ЈУНИ: Ова е вредноста која ја достигна биткоинот
Објавено во: Економија 21 Јули, 2018
Најголем раст има најпопуларната криптовалута, биткоин кој за првпат од почетокот на јуни ја проби границата од 7 500 долари, пишува Bloomberg.
Биткоинот на почетокот на тргувањата забележа раст од 3,1% и се искачи на 7.543 долари вредност, за овој раст подоцна да се намали за околу 0,8% поради тргувањата во Лондон.
Останатите криптовалути како рипл, етериум и лајткоин, имаа различни резултати, но во главно ги задржале добивките остварени еден ден порано.
И покрај најавите дека се очекува повторно голем раст на криптовалутите, вредноста на биткоин и понатаму е околу 60% пониска од историскиот рекорд кој го оствари во декември минатата година кога достигна вредност од скоро 20 000 долари.