ЗА ОВАА ВЕШТИНА НА ПАЗАРОТ СААТНИНАТА ОДИ ДО 150 ЕВРА: Еве која е најбараната на пазарот на трудот
Објавено во: Финансии 18 Јуни, 2024 07:20
Меѓу најбараните вештини оваа година беа маркетингот на социјалните мрежи, сметководството и виртуелната помош.
Хонорарната платформа Upwork неодамна објави листа на најбарани вештини на пазарот на труд за 2024 година врз основа на заработката од хонорарците.
За да ја состават листата, експертите на Upwork анализираа кои вештини од година во година стануваат се побарани на пазарот на труд, а кои ја губат популарноста, изјави за CNBC Маргарет Лилани, потпретседател на компанијата за испорака на таленти.
Меѓу најбараните вештини беа маркетингот на социјалните мрежи, сметководството и виртуелната помош, а оваа година особено се бараше анализа на податоци.
Инаку, аналитичарите на податоци ги проучуваат необработените деловни податоци, вклучително и продажбата, сообраќајот на веб-страниците и регулаторните ризици, и извлекуваат увид за тоа како да се подобри работењето на компанијата.
Нивната работа има големо влијание врз деловните процеси, вели Вики Салеми, експерт за регрутирање во Monster. Таквите експерти обично имаат диплома по компјутерски науки или статистика или имаат завршено онлајн курс преку универзитет, Google или Coursera.
Тие наплаќаат до 156 евра на час за нивната експертиза на Upwork.
Анализата на податоците е вештина која континуирано се развива, особено со неодамнешниот бум на вештачката интелигенција (ВИ).
Иако оваа вештина не е нова на пазарот на трудот, денес таа се сведува на „употреба на вештачка интелигенција за пронаоѓање подлабоки, побрзи и пошироки увиди“ за бизнисот, објаснува Лилани.
Како резултат на тоа, најдобрите аналитичари на податоци на пазарот се оние кои знаат како вешто да ги користат можностите на алатките за вештачка интелигенција кои „се развиваат со луда брзина“ во нивната работа, заклучи таа.
Можеби ќе ве интересира
Рекорд на пазарот на недвижности: Пентхаус во Дубаи продаден за речиси 130 милиони евра
Дали се руши хрватскиот сон? Половина од платата оди за даноци, становите се прескапи, подобро е дома
„Ти си Балканец, ќе ни работиш за џабе“: Што навистина значи животот и работата во Швајцарска
„Тука луѓето откопуваат злато“: На 2 часа од Скопје пронајдена населба постара од онаа на Инките и Маите
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Еве каде да ги најдете најдобрите половни автомобили во Европа: Возачите возат помалку километри и ги чуваат подолго
РАБОТА ОД СОНИШТАТА ВО ГЕРМАНИЈА: Плата до 90.000 евра, повеќе од 60 дена одмор - еве како да ја добиете
ФЕД ПО ТРЕТ ПАТ ГИ НАМАЛИ КАМАТИТЕ: Пауел вели засега е доволно
ГАРАЖА ВО АЕРОДРОМ ПРОДАДЕНА ЗА 30 ИЛЈАДИ ЕВРА, А ЗА КВАДРАТ ЗА СТАН ВО ЦЕНТАР ПЛАТЕНИ БЛИЗУ 3.000 ЕВРА: Еве каде и за што се давале најмногу пари
