За 4.700 денари поголеми плати лани во ЈП Државни патишта, далеку поголем раст од македонскиот просек
Објавено во: Економија 25 Септември, 2020 08:20
Просечната бруто-плата во Јавното претпријатие за државни патишта за една година се зголемила за 4.700 денари а бројот на работници останал ист. Ова е далеку повеќе од темпото по кое се зголемувала просечната бруто-плата во земјата во 2019, објави независниот ревизор за минатата година.
На крајот на 2019 претпријатието кое гради магистрални, регионални и локални патишта прикажало околу 53.100 денари бруто плата по вработен, додека една година претходно таа била околу 48.400. Бројот на работници останал ист и изнесувал 447. Вкупните расходи за плати на вработените лани бил 285 милиони денари, или 25 милиони повеќе за една година. На пример, во 2017 овие трошоци биле 210 милиони денари, но тогаш имало само 386 вработени.
Приходите од акцизите на течните горива, наплата на патарините и регистрацијата на моторните возила се зголемени кај сите три сегменти и изнесуваат вкупно 7,37 милијарди денари, односно за 344 милиони денари повеќе. Претпријатието завршило со 2,93 милијарди денари добивка пред оданочување, или претворено во евра тоа би било околу 49 милиони евра. Треба и да се каже дека дел од оваа добивка оди за одржување на патиштата кај ЈП Македонија пат.
Отплатата на главниците на кредитите за оваа година кон странските кредитори за изградбата на магистралните, регионалните и локалните патишта е 2,09 милијарди денари, или 770 милиони денари повеќе од лани, а во следните година дена државата ќе треба да плати дури 3,35 милијарди денари кредити според рокот на доспевање, односно тоа би било рекордни 55 милиони евра.
Долгот на земјата преку ова претпријатие кај меѓународните финансиски институции и банки за една година е зголемен за 6,2 милијарди денари и сега вкупно изнесува 43,2 милијарди. Практично, земјата е задожена со 708 милиони евра.
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Мицкоски: Економијата мора да излезе од замката на ниски плати
Миќовиќ за НИС и рафинеријата: Одлична можност фабриката во Панчево да се врати во српски раце
Милијардерите наследуваат рекордно ниво на богатство
Страв од вештачка интелигенција: Младите луѓе се префрлаат во квалификувани занаети
Кој е 10 пати побогат по изборната победа на Трамп: Се работи за еден од наследниците, а еве од што се збогатува
Директорот на НИС им се обрати на вработените: Еве што се случува со продажбата на компанијата
Еден од клучните генератори на побарувачката за биткоин оваа година моментално е во големи проблеми
ДО КОГА МОЖЕ ДА ИЗДРЖИ СРБИЈА? Вучиќ за ситуацијата со НИС: Сигурен сум дека Русите ќе се договорат
Планот на Нетфликс да го купи Ворнер Брос. ја фрла театарската индустрија во превирања
