„WikiLeaks“ се заканува: Може да „турне“ уште еден претседателски кандидат на Франција
Објавено во: Свет 03 Февруари, 2017
WikiLeaks има „интересни информации“ за уште еден кандидат за функцијата претседател на Франција - поранешниот министер за економија Емануел Макрон, пишува рускиот весник „Известија“, кој се повикува на основачот на организацијата Џулијан Асанж.
WikiLeaks објави порано документи за кандидатите за претседател на Франција Франсоа Фијон и Марин Ле Пен.
„Податоците се добиени од личната кореспонденција на Хилари Клинтон, поранешен државен секретар на САД“, открил самиот Асанж за изданието.
Кандидатот на десничарите Фијон и лидерот на „Националниот фронт „Марин Ле Пен се ставени во центарот на скандали поврзани со фиктивни трошоци.
На 1 февруари WikiLeaks објави околу 4,8 илјади документи поврзани со Фијон и Ле Пен. Како резултат на скандалите независниот Макрон стана најверојатен победник на претседателските избори во Франција. Според социолозите од „Елаб“ (Elabe) за весникот „Еко“ (Les Echos), за него се подготвени да гласаат меѓу 22 и 23% од гласачите, а во случај против него да излезе Ле Пен на втор круг, Макрон ќе победи со 65%.