ВУЛИН ДО БАКОЈАНИ: Грција стана голема земја способна за големи подлости
Објавено во: Балкан 02 Април, 2024 17:17
Дора Бакојани покажа дека Грција стана голема земја способна за големи подлости, вели основачот на српското Социјалистичко движење, Александар Вулин.
Тој зборуваше за промената на ставот на Грција во однос на членството на Косово во Советот на Европа, пренесува „Политика“.
„Кога Австро-Унгарија побара од воениот премиер на Грција да им го ускрати гостопримството на остатоците од српската војска и држава, Венизелос одговори дека Грција е ‘премала земја за толку голема подлост’. Со препораката зa Косово за членство во Советот на Европа, Дора Бакојани покажа дека Грција стана голема земја способна за големи подлости. Радувај се, турски свете, територијата наречена Косово оди меѓу државите по препорака на Грција, нека се подготви Северен Кипар“, изјави Вулин.
Остро ја осуди главната известувачка за приемот на Косово во Советот на Европа, Дора Бакојани која тврдеше дека ако Косово влезе во Советот на Европа, тоа ќе биде добро за српското малцинство. Србија не се сложува со ова тврдење на Бакојани. Се очекува дека месецов, Косово ќе влезе во Советот на Европа. Неколку европски земји не го признаваат Косово. Србија лобираше што повеќе држави да го повлечат признавањето на Косово.Можеби ќе ве интересира
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
Вучиќ до Хрватите: Србија купи нови авиони „Рафал“, a Хрватска половни
Парламентот на Бугарија едногласно ја прифати оставката на владата
Протест на земјоделците во Солун, граничните премини Евзони и Ники засега остануваат отворени
Тешки метали се откриени во керамички шолји во соседството
(ВИДЕО) Вучиќ добил порака од Москва - како реагираше Фон дер Лајен?
