Вулин бара да проговориме за Голема Албанија
Објавено во: Балкан 17 Мај, 2019
Министерот за одбрана на Србија, Александар Вулин ги повика денеска Црна Гора и Северна Македонија „да се охрабрат и да проговорат за Голема Албанија како најголемо зло и закана за мирот на Балканот, што се заканува и на иднината и на нивните деца, а не само на српските“.
Коментирајќи ја изјавата на претседателот на косовскиот Парламент, Кадри Весели за градот Ниш како „албански град“, Вулин изјави дека се работи за „апсолутно неприфатливо ѕвецкање со оружје“ и дека ЕУ и НАТО имаат одговорност „да ја запрат Голема Албанија“.
„Ако Европа брзо не сфати дека голема Албанија е најголемото зло и најголема закана за мирот на Балканот, ќе дочека воениот пожар да се рашири низ целиот Балкан. Не дозволувајте не осудените терористи, бидејќи бегаат од казнување, да го запалат целиот Балкан. Одговорноста повеќе не е на Србија и на Србите. Ова се предупредувања кои повеќе не може да се игнорираат“, изјави Вулин.
И претходно се цртани мапи на кои Голема Албанија се протега до српскиот град Ниш.Неодамна во Тирана се говореше за идејата да се тргне границата меѓу Косово и Албанија, и на ова реагираа српските политичари. Тие прашуваат дали треба да се оди на настани каде се турка зад грб идејата за Голема Албанија.