ВУЧИЌ: Се обидуваат да ја испровоцираат Србија да направи нешто за што би требало да интервенира НАТО
Објавено во: Балкан 12 Јули, 2024 15:55
Србија реагира по повод вчерашните настани и одбележување на годишница од геноцидот во Сребреница.
Српскиот претседател Александар Вучиќ на школска табла со креда напиша пет точки кои, според него, се закани за Србија кои се упатени со комеморацијата на геноцидот во Сребреница. Како што додаде, наместо тоа да биде можност за зборови на помирување и почит кон жртвите, граѓаните на Србија, српскиот народ и Република Српска беа изложени на навреди и на најдиректни закани.
„Се обидуваат да ја испровоцираат Србија да направи нешто за што би требало да интервенира НАТО, вчера имаше недвосмислен повик за конфликт, а десетпати спомнувањето на наводната големосрпска политика е јасно таргетирање, а целта е уништување на Србија“, изјави Вучиќ.
Тој рече дека Србија нема да падне на провокациите кои доаѓаат од Босна и Херцеговина(БиХ), ниту ќе војува со Бошњаците.
„Ние не сакаме да војуваме против Бошњаците. А тоа е мојата порака и на Бошњаците во Србија и на Бошњаците во Босна и Херцеговина“, нагласи Вучиќ.
Вучиќ смета дека наместо да се разговара со Србија секогаш се повикува на меѓународни набљудувачи. Според него, моралното осакатување се врши „преку историски ревизионизам, додека туѓите злосторства не смеат да се повторат, преку обвинувања дека Србија е „руски агент“, обвинувања дека Србија сака војна, преку „недостиг на демократија“ каде Србија треба да се прикаже како антизападна и делата да бидат преземени против нашата земја“. Спомена економско слабеење, медиумска агресија, желба за конфликт.Вчера беше одбележан 11 Јули - Меѓународен ден на сеќавање на жртвите од геноцидот од Сребреница. Пред 29 години во Сребреница се убиени над 8.000 бошњачки мажи.
Можеби ќе ве интересира
(ВИДЕО) СЕ ПОЈАВИ СНИМКА ОД ИНЦИДЕНТОТ: Вооружени полициски специјалци од РС спречиле апсење на Додик
ИСТОЧНО САРАЕВО: СИПА се обиде да го приведе Додик, но полицијата на Република Српска ги спречи
(ВИДЕО) ВО ЗЕМЈОТРЕС ВО ТУРЦИЈА ИМА НАД 150 ПОВРЕДЕНИ: Луѓето скокале од височина од страв
(ВИДЕО) НЕВРЕМЕ ЈА ЗАФАТИ СРБИЈА: Паѓаше град со големина на лешник
ПРЕД НЕКОЛКУ МЕСЕЦИ ИМАЛО РЕКОНСТРУКЦИЈА: Се урна таван во училница во Србија
БУРА РЕАКЦИИ: Килограм лубеница чини 4 евра во земја од регионот
ПЦОВКИ И ТУПАНИЦИ: Во босански град сестри се степале поради имот
