Втората доза е загарантирана за сите кои се вакцинираа во Србија: Ќе бидат вакцинирани на истите пунктови, порача министерот Лончар

Добивај вести на Viber

Министрите за здравство на Македонија и на Србија, Венко Филипче и Златибор Лончар кои денеска имаа состанок во Белград оценија дека имаа успешна средба откако договорија соработка во однос на неколку теми. Лончар истакна дека комуницираат и на неделно и на месечно ниво, особено поради фактот што корона вирусот не знае за граници.

-Ја анализиравме ситуацијата, говоревме за тоа кои мерки даваат резултати, кои не даваат резултати и секако разговаравме за неизбежната тема, а тоа е вакцинацијата, нејзино забрзување и се она што е потребно да го спречиме ширењето и новите мутации на вирусот. Дури и сега додека ртазговараме, некои од граѓаните на Македонија се вакцинираат во Србија. Разговаравме и за сите оние граѓани на Македонија кои имаат некоја причина да работат овде, имаат фирма, да им излегиваме пресрет. Така и ќе продолжиме од едноставна причина што мислиме дека една држава не може да го реши овој голем проблем во оквир на своите граници, ова е многу попголем проблем и ако е им многу подобро на сите наши соседи и нам ќе ни биде многу подобро. Што се однесува до граѓаните од Македонија кои веќе се вакцинираа во Србија она што најмалку ќе може да го направиме за нив и она што им е обезбедено е да ја примат и втората доза од вакцината тука, односно на пунктовите каде што веќе ја имаат примено првата доза. Но може и да се договориме, бидејќи имаме целосна евиденција, ако е полесно тие дози за ревакцина да ги отстапиме на Македонија и таму да биде организирана вакцинацијата, односно таму да биде аплицирањето на втората доза. Како и да е, во најлош случај , би ја добиле втората доза, онаму каде што ја примиле првата, истакна српскиот министер за здравство, Златибор Лончар.