ВТОРА СРЕЌА ЗА ОБВРЗНИЦАТА НА ОПШТИНАТА НА ЈОРДАНОВ - КХВ повторно даде одобрение, сега Владата е на потег
Објавено во: Финансии 26 Мај, 2023 11:35
Дали ќе има втора среќа за општинската обврзница на општина Штип, која ја предводи градоначалникот Иван Јорданов.
Откако пред неколку месеци Комисијата за хартии од вредност и издаде одобрение на општина Штип за издавање на обврзница од 4 милиони евра, но општината не успеа да ја добие потребната владина согласност, сега таа повторно побара и доби одобрение од Комисијата за хартии од вредност за издавање на општинска обврзница.
За барањето на општина Штип за издавање на општинска обврзница расправала Комисијата за хартии од вредност пред неколку дена, и донела решение да и издаде одобрение на општината, исто како што и пред неколку месеци го издаде потребното одобрение.
„КХВ донесе Решение со кое на Општина Штип и даде одобрение да издаде прва емисија на 8.000 општински обврзници со поединечна номинална вредност од 500 евра и вкупна номинална вредност од 4.000.000 евра по пат на јавна понуда. Првата исплата на главницата и на каматата ќе почне по истекот на 12 месеци и ќе се исплати во седум еднакви годишни рати од датумот на регистрирање на обврзниците во ЦДХВ. Општинските обврзници се со фиксна годишна каматна стапка во износ од 4,75 отсто. Емисијата на општински обврзници на Општина Штип се врши заради прибирање на средства за финансирање на Проектот „Заеднички активности за локален економски развој“. Понудата се смета за успешна доколку се запишат и уплатат најмалку 60 отсто од понудените обврзници.
КХВ ја одобри оваа емисија, откако општина Штип доби согласност од Министерството за финансии за нејзино задолжување, а постапката на запишување и уплата на понудените општински обврзници ќе почне откако во сила ќе влезе Одлуката на Владата, со која се одобрува максималниот износ на новото задолжување на издавачот“, се вели во соопштението од Комисијата за хартии од вредност.
Како што веќе објавија претходно медиумите, општина Штип е прва која се охрабри да најави издавање на ваква хартија од вредност и на тој начин да обезбеди четири милиони евра, за што уште минатата година ја доби и потребната дозвола од Комисијата за хартии од вредност. Но, Владата не го дозволи издавањето на обврзницата, а штипскиот градоначалник Иван Јорданов ја обвини власта дека го стопирала овој процес без никаква валидна аргументација.
Инаку, Фактор веќе пишуваше дека и општина Аеродром, на чие чело е градоначалникот Тимчо Муцунски, доби дозвола од КХВ за издавање на општинска обврзница, и тоа на сума од 5,4 милиони евра.Дали општината, чии татко е исто така од редовите на ВМРО-ДПМНЕ како и Јорданов, ќе успее да добие благослов за вакво задолжување пртеку емитувањее на општинска обврзница, ќе зависи исто така од Владата, која треба да донесе таква одлука.
Во разговор за Фактор Муцунски тогапш апелираше Владата што поскоро да даде зелено светло.
„Од страна на сите надлежни институции добивме позитивна оценка во однос на комплетноста и квалитетот на документацијата која беше изработена, и таа ги помина сите потребни филтри, вклучувајќи ги Министерството за финансии и Комисијата за хартии од вредност. Последен и следен во низата чекори е одлуката која треба да ја донесе Владата, која практично е зелено светло за официјално издавање на обврзницата и нејзино пласирање на пазарот. Со оглед на тоа дека станува збор за средства кои ќе бидат наменети за финансирање на важни проекти, убеден сум и апелирам до Владата што поскоро да ја донесе одлуката со која ќе може обврзницата да биде издадена на пазарот“, потернцира тогаш првиот човек на општина Аеродром.
Н.Н.Ф.
Можеби ќе ве интересира
Рекорд на пазарот на недвижности: Пентхаус во Дубаи продаден за речиси 130 милиони евра
Рекорд на пазарот на недвижности: Пентхаус во Дубаи продаден за речиси 130 милиони евра
Дали се руши хрватскиот сон? Половина од платата оди за даноци, становите се прескапи, подобро е дома
Дали се руши хрватскиот сон? Половина од платата оди за даноци, становите се прескапи, подобро е дома
„Ти си Балканец, ќе ни работиш за џабе“: Што навистина значи животот и работата во Швајцарска
„Ти си Балканец, ќе ни работиш за џабе“: Што навистина значи животот и работата во Швајцарска
„Тука луѓето откопуваат злато“: На 2 часа од Скопје пронајдена населба постара од онаа на Инките и Маите
„Тука луѓето откопуваат злато“: На 2 часа од Скопје пронајдена населба постара од онаа на Инките и Маите
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Еве каде да ги најдете најдобрите половни автомобили во Европа: Возачите возат помалку километри и ги чуваат подолго
Еве каде да ги најдете најдобрите половни автомобили во Европа: Возачите возат помалку километри и ги чуваат подолго
РАБОТА ОД СОНИШТАТА ВО ГЕРМАНИЈА: Плата до 90.000 евра, повеќе од 60 дена одмор - еве како да ја добиете
РАБОТА ОД СОНИШТАТА ВО ГЕРМАНИЈА: Плата до 90.000 евра, повеќе од 60 дена одмор - еве како да ја добиете
ФЕД ПО ТРЕТ ПАТ ГИ НАМАЛИ КАМАТИТЕ: Пауел вели засега е доволно
ФЕД ПО ТРЕТ ПАТ ГИ НАМАЛИ КАМАТИТЕ: Пауел вели засега е доволно
ГАРАЖА ВО АЕРОДРОМ ПРОДАДЕНА ЗА 30 ИЛЈАДИ ЕВРА, А ЗА КВАДРАТ ЗА СТАН ВО ЦЕНТАР ПЛАТЕНИ БЛИЗУ 3.000 ЕВРА: Еве каде и за што се давале најмногу пари
ГАРАЖА ВО АЕРОДРОМ ПРОДАДЕНА ЗА 30 ИЛЈАДИ ЕВРА, А ЗА КВАДРАТ ЗА СТАН ВО ЦЕНТАР ПЛАТЕНИ БЛИЗУ 3.000 ЕВРА: Еве каде и за што се давале најмногу пари
