Втора смена на шалтерите на ФЗО: Ќе важи за правни лица, ама ќе се примале и пациенти!
Објавено во: Мои пари 23 Декември, 2012
Oд 2 јануари 2013 година, на шалтерите во Подрачна служба Скопје, се воведува втора смена, од 15 до 19 часот.Ќе функционираат трите шалтери - Архива, Издавање потврди за платен придонес (сини картони) и пријава и одјава на вработени и ќе се работи само со т.н. големи корисници, соопшти директорот на ФЗОМ Јован Грповски.
Оваа нова услуга е наменета за правните лица, а ќе работат шалтери за сметководствени бироа, приватните здравствени установи со кои Фондот има склучено договори, фирмите, другите правни лица и сите оние корисници на услуги од овој тип.
„Ова се корисници кои имаат редовна потреба од услугите на Фондот и редовно доаѓаат во Подрачна служба Скопје. Од друга страна, времето кое тие го поминуваат на шалтер е подолго во однос на физички лица, односно пациентите кои доаѓаат за еднократна услуга, како регистрација, вадење на некоја потврда или заверка и поради тоа се создава гужва по шалтерите“, објасни Грповски.
Тој информира дека предвидено е во прва смена да доаѓаат само физички лица и пациенти, но вели дека сепак, ако некој пациент дојде и попладне, нема да биде вратен назад.
Можеби ќе ве интересира
„Браво сине“ и „Арс Ламина“ со збирка од 24 „Нови бајки од Македонија“
Имлек Протеин - моќ и енергија за 1650 спортисти на “Скопје трча”
Заборски од „Макпетрол“ петти во Европа на шампионатот во Задар
Развојот на првиот Porsche 911 со хибриден погон заврши успешно
Денеска се одржа 8. издание на „Халк Еко Скопје Трча 10км“ 1650 учесници застанаа на старната линија
БРАКО ЌЕ ПРОМОВИРА НОВО ЕЛЕКТРИЧНО ВОЗИЛО НА САЕМ ВО МИНХЕН
