27 Мај, 2024
0.0247

ВОЗНЕМИРУВАЧКО: Објавено видео како полицијата ја изрешета жената која ги уби учениците во САД

Објавено во: Свет 28 Март, 2023

Добивај вести на Viber

Вчера три деца и тројца возрасни беа убиени во пукање во приватно основно христијанско училиште во Нешвил, на југот на САД. Нападот го извршила 28-годишна жена идентификувана како Одри Елизабет Хејл, поранешна ученичка во училиштето, која била убиена од полицијата на местото на настанот. Убиените деца биле на возраст меѓу осум и девет години.

Полицијата објави нови видеа, тие се вознемирувачки

Полициската управа на Метро Нешвил објави снимка од камери на телото што ги носеле најмалку двајца полицајци. Камерите ги носеле Рекс Енгелберт и Мајкл Колазо, полицајците кои го убиле напаѓачот во 10:27 часот. На снимката се гледа како полицајци влегуваат во училиштето и го бараат напаѓачот. Постојано се огласува аларм за тревога.

Слушнале пукотници на вториот кат и се упатиле по скалите, покажува видеото. Полицајците се приближиле до звукот на пукањето, а Енгелберт, вооружен со автоматска пушка, го свртел аголот и пукал повеќе пати во едно лице во близина на голем прозорец.

Таа потоа паѓа на земја, по што друг службеник и пука четири пати со пиштол. „Престани да се движиш“, извикува додека напаѓачот лежи на земја.

Полицајците потоа му пришле на напаѓачот и го извадиле пиштолот.

Снимките на овој линк

Застрелана на вратата

За потсетување, полицијата во Нешвил претходно објави видео на кое се гледа како напаѓачката влегла во училиштето. На снимката, која се чини дека е од надзорните камери во зградата, се гледа како Одри Хејл пука во влезната врата и потоа се качува низ скршеното стакло за да влезе.

Носела црвена капа, маскирни панталони и нешто што личело на заштитен елек. Хејл носеше автоматска пушка во едната рака, додека второто слично оружје висеше од нејзиниот лев колк. Откако влегла во училиштето, на видеото се гледа како таа талка по напуштените ходници на училиштето, во еден момент поминува покрај просторија со натпис „Министри“.

Полицајците го открија манифестот и мапите на зградата што го содржи планот за напад. Тие известија и дека таа влегла преку споредна врата и отворила оган на вториот кат до 10:27 часот кога била убиена.

Пукано во полицијата

Полицијата претходно сподели слики од местото на злосторството на кои се гледа дека Одри Хејл се подготвува да пука кога пристигнала полицијата. Според полицијата, таа пукала во нивните возила додека се приближувале, удирајќи го едното преку шофершајбната.

На првите снимки и фотографии се гледа и оружјето употребено во нападот и автомобилот Хонда Фит на убиецот паркиран во близина. Пукањето престанало околу 14 минути откако почнало, кога полицијата упаднала во зградата и го застрелала осомничениот.

Убиена ќерката на свештеникот, директорката...

Презвитеријанската црква Парк Ситис во Далас објави соопштение во кое потврди дека нивниот поранешен свештеник Чад Скругс ја изгубил својата ќерка Хали во пукање. Хали Скругс беше меѓу тројцата убиени деветгодишници.

„Го сакаме семејството Скругс и тагуваме со нив за нивната скапоцена ќерка Хали. Заедно веруваме во силата на Христос да ни се приближи и да ни ја даде утехата и надежта што ни се толку потребни“, рече свештеникот Марк Дејвис.

Убиена е и 60-годишната Кетрин Кунсе, директорка на училиштето во Ковенант. „Таа направи толку многу за тие деца. Сега го даде својот живот за да ги заштити“, рече една мајка која има две деца запишани во Covenant.

Мајкл Хил (61) бил чувар, а Синтија Пик (61) била заменик наставник кој работел во училиштето на денот на нападот, соопшти полицијата.

Која е Одри Хејл

Џон Дрејк, началникот на полицијата во Нешвил, му се обратил на напаѓачот со женска заменка, но на прашањето на новинарите, тој прецизирал дека Одри Елизабет Хејл се изјаснила како трансродова личност. Сè уште не е јасно дали напаѓачот е официјално идентификуван како жена или маж.

Полицијата објави дека Одри Хејл еднаш одела во училиштето каде го извршила масакрот. Веб-страницата, која се чини дека е поврзана со Хејл, покажува дека таа била графичка дизајнерка и илустраторка од Нешвил која создала логоа кои, како што се вели во нејзиниот сајт, „ќе помогнат да се раскаже приказната на компанијата“ и „да се пренесат чудно и опуштено чувство“.

Портпаролот на полицијата изјави за ABC News дека Хејл е родена како жена, но истакна дека нејзиниот профил на социјалните мрежи вели дека ја користела заменката „тој“. Во краткото телефонско интервју за ABC News, мајката на Хејл, Норма, рече: „Многу, многу е тешко во моментов“, пред да побара приватност. „Мислам дека денес ја изгубив ќерка ми“, рече таа.


Можеби ќе ве интересира

КИНЕЗИ, РУСИ И НИГЕРИЈЦИ ПЛАЌААТ 230 ИЛЈАДИ ЕВРА ЗА ЗЛАТЕН ПАСОШ: Еве која земја бара толку пари и што овозможува тој пасош

КИНЕЗИ, РУСИ И НИГЕРИЈЦИ ПЛАЌААТ 230 ИЛЈАДИ ЕВРА ЗА ЗЛАТЕН ПАСОШ: Еве која земја бара толку пари и што овозможува тој пасош

ШОК ИЗЈАВА НА ФРАНЦУСКИОТ ПРЕТСЕДАТЕЛ ПО ДОАЃАЊЕТО ВО ГЕРМАНИЈА „Европа може и да умре“

ШОК ИЗЈАВА НА ФРАНЦУСКИОТ ПРЕТСЕДАТЕЛ ПО ДОАЃАЊЕТО ВО ГЕРМАНИЈА „Европа може и да умре“

ВИСТИНСКА ДРАМА СЕ СЛУЧУВАЛА НАД ТУРЦИЈА - силни турбуленции повредиле 12 патници во авион, ги пречекале итни служби

ВИСТИНСКА ДРАМА СЕ СЛУЧУВАЛА НАД ТУРЦИЈА - силни турбуленции повредиле 12 патници во авион, ги пречекале итни служби

ПРОНАЈДЕН МРТОВ СОПРУГ НА ПРАТЕНИЧКА ОД ЕВРОПСКИОТ ПАРЛАМЕНТ - прво имало сомнежи дека Анџело се самоубил, но.... тој бил во морничава состојба

ПРОНАЈДЕН МРТОВ СОПРУГ НА ПРАТЕНИЧКА ОД ЕВРОПСКИОТ ПАРЛАМЕНТ - прво имало сомнежи дека Анџело се самоубил, но.... тој бил во морничава состојба

Вооруженото крило на Хамас соопшти дека со ракети го напаѓа Тел Авив

Вооруженото крило на Хамас соопшти дека со ракети го напаѓа Тел Авив

ГОЛЕМ РУСКИ НАПАД НА УКРАИНА, ПОЛСКА ГИ ПОДИГНА НАТО АВИОНИТЕ - во Киев има ранети и евакуирани жители

ГОЛЕМ РУСКИ НАПАД НА УКРАИНА, ПОЛСКА ГИ ПОДИГНА НАТО АВИОНИТЕ - во Киев има ранети и евакуирани жители

КАЛЕНДАРОТ СО ОБВРСКИ НА КЕЈТ МИДЛТОН Е ПРАЗЕН ДО КРАЈОТ НА ГОДИНАТА - тоа значи само едно, а еве како ќе влијае на кралското семејство

КАЛЕНДАРОТ СО ОБВРСКИ НА КЕЈТ МИДЛТОН Е ПРАЗЕН ДО КРАЈОТ НА ГОДИНАТА - тоа значи само едно, а еве како ќе влијае на кралското семејство

КИНЕЗИТЕ ДНЕВНО ИСПОРАЧУВААТ 88 ТОВАРНИ АВИОНИ СО СТОКА НАРАЧАНА ОД ИНТЕРНЕТ: Ако е сега вака, како ќе биде во септември, октомври, ноември и декември?

КИНЕЗИТЕ ДНЕВНО ИСПОРАЧУВААТ 88 ТОВАРНИ АВИОНИ СО СТОКА НАРАЧАНА ОД ИНТЕРНЕТ: Ако е сега вака, како ќе биде во септември, октомври, ноември и декември?

„КАРМАТА ЌЕ ЈА СТИГНЕ КАМИЛА“: Еве што пишуваат британските медиуми за кралицата

„КАРМАТА ЌЕ ЈА СТИГНЕ КАМИЛА“: Еве што пишуваат британските медиуми за кралицата