Во мал град во Хрватска се продаваат куќи за помалку од еден долар
Објавено во: Балкан 14 Јуни, 2021
Се продаваат куќи за помалку од еден долар во Хрватска. Се јавиле купувачи од Русија, Турција, Украина, Аргентина, Колумбија.
Леград продава напуштени куќи за една куна во обид да привлече нови жители, но со одредени услови, пишува Ројтерс во написот посветен на овој мал град во северна Хрватска, во близина на границата со Унгарија.
Меѓу понудените куќи, некои се скоро урнати, немаат прозорци и врати, а ѕидовите се покриени со мувла. Општината најавува дека ќе плати 25.000 куни за сите потребни адаптации, а градот ќе им помогне на новите жители кои сакаат да купат приватни куќи со 20 проценти од куповната цена, или до 35.000 куни. Клучните услови за аплицирање се поединците или двојките да се финансиски стабилни и да се помлади од 40 години. Тие треба да останат да живеат таму најмалку 15 години.