Внукот на Али Ахмети ќе добие 39 отсто од „Соравиа“ само поради претприемачкиот дух
Објавено во: Економија 26 Јуни, 2023 14:10
Дрин Ахмети, внукот на претседателот на ДУИ, Али Ахмети, денеска пред медиумите рече дека ќе добие 39 отсто од уделот во деловниот објект „Соравиа“ во центарот на Скопје, само поради претприемачкиот дух.
Во структурата на сопственоста, 39 отсто ќе му припаднат на сопственикот на „ТОР Индустрис“, 51 процент ќе добие неговиот партнер од Албанија, Владимир Пјетерџокај како сопственик на Пе-Вла-Ку од Албанија, а 10 проценти ќе му останат на досегашниот сопственик Хано Соравиа.
Ахмети пред новинарите рече дека за овој удел нема да плати ниту евро, туку дека овој процент од сопственоста ќе му следува само поради претприемачкиот дух.
- Јас ќе го водам деловниот објект „Соравиа“ и затоа добивам 39 отсто. Кредитот кој го подигнавме во висина од 6 милиони евра од албанската банка Крединс Банк за да ја купиме „Соравија“ е на име на господинот Пјетерџокај. Тој таму е акционер и има добра репутација, затоа банката лесно му го одобри задолжувањето. Ова е бизнис и секој бизнис е ризик, затоа ако не оадат работите како што треба, ние ќе може деловната зграда да ја ставиме на продажба, рече Дрин Ахмети.
Ахмети призна дека повеќе живее во странство отколку во Македонија и дека изминатиот период го посетил американскиот Конгрес и дека таму разговарал со претставници на американски компании во обид да ги привлече нивните ликвидни средства во Македонија.
На прес-конференцијата присуствуваше и самиот Пјетерџокај од Албанија, кој беше запрашан од новинарите од каде се познава токму со внукот на лидерот на ДУИ.
- Со Дрин се познавам четири години и за ова време тој е дел од активностите на моите бизниси во Италија. А за тоа дека е внук на Али Ахмети, би рекол дека секој е нечив внук, кажа бизнисменот кој вели дека наскоро ќе вложува во уште еден проект во Македонија.
Владимир Пјетерџокај на денешната прес-конференција во Скопје
Пјетерџокај не кажа конкретно кои се плановите со „Соравија“, а со продавачот Хано Соравија вели дека се познавале од порано и стекнале меѓусебна доверба.
- Со Соравиа имаме важен проект на албанското крајбрежје во Валона а во Скопје дојдов по друг проект, но кога го видов деловниот центар дека е на поволна локација и дека има енергетска заштита, решив дека може да се инвестира во него, вели тој.
Мнозинскиот сопственик наведе дека во Македонија со Пе-Вла-Ку учествувал на повеќе тендери, вклучувајќи го и патот Скопје - Блаце, но дека никогаш не победил иако секогаш, како што рече, нудел најниска цена.
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Кога е најдобро време да купите половен автомобил - во овој дел од годината можете да заштедите до неколку стотици евра
Русите пресметаа и објавија колку пари изгуби ЕУ поради санкциите
ПОЧНА РЕКОНСТРУКЦИЈАТА НА СКОПСКАТА ЖЕЛЕЗНИЧКА: Колку време ќе трае и колку чини проектот за новиот изглед?
Плати во плик, кеш промет и скриени приходи – УЈП со засилени контроли
(ВИДЕО) „ОВА Е НЕРЕАЛЕН БУЏЕТ“: Битиќи вели дека предлог буџетот за 2026 година му изгледа на предизборен
Повеќето милијардери живеат во оваа европска земја: Додека беснее економската криза, нивното богатство се зголемува
Скијачки центар во Србија каде што врне снег како на Копаоник, а викендот чини помалку од гориво: Mесто без гужви и високи цени
