ВНИМАВАЈТЕ ШТО СНИМАТЕ: Ви се заканува казна од 3300 евра!
Објавено во: Мои пари 30 Август, 2016
Ако сте сопственик на дрон и би сакале со него нешто да снимате од воздух, во Хрватска мора да се придржувате до одредени правила.
Правилата се пропишани во посебна, помалку контроверзна уредба, во јули оваа година, а ако тоа не го почитувате, ви се заканува казна од дури 3300 евра, пренесуваат локални хрватски медиуми.
И, не само тоа, секое правно или физичко лице кое таквото снимање го обавува мора за таа дејност да биде и регистрирано.
Меѓутоа, во Националната класификација за дејности, таква дејност не постои, па тој услов во моментов не е можно да се исполни, објави Буг.хр.
Авторот на текстот напоменува и како снимката треба да се достави до Државната геодетска служба, а потоа таа ќе донесе одобрение за употреба на тие снимки.
Тука, притоа не се говори за снимање од хоби, туку за она за потребите на мерење на земјишта, истражувања, пространо уредување, како и за други земјоделски потреби. Како исклучок се наведени сопственици кои снимаат свое земјиште, така да тие не треба да имаат наведено одобрение.
Исто така, се вели дека снимање од воздух и она за потребите за истражување за културни и спортски настани и манифестации, како и снимање на сообраќајни гужви, сообраќајни несреќи, природни непогоди-тоа смеат да го прават „исклучиво телевизиски куќи со национална фрекфенција, како и правни или физички лица кои обавуваат снимање за нив“.